ما ادري يمكن ما تصدقني لما كنت بالثانوية كنت احب الادارة و العمل فيها والحمد لله تخرجت من الثانوية بمعدل حلو وهنا صارت المشكلة كنت اقول لأهلي بطريقة المزح ظاهريا وداخليا جدية باني اريد ادرس ادارة فكانو يقولون لي انت جبت معدل وتقول ادارة وبالفعل سجلت طب اسنان خارج السعودية بس بالفعل ماكنت احبها درست للمستوى الثالث ورجعت للسعودية ومارضيت ارجع وكنت محمل مواد بعد والحمد لله اشتغلت حول السنتين وبالصدفه قاعد أحوس على الجامعات فجأة حصلت الملك فيصل وجيت على الملتقى وشفت الحماس و كيف يساعدون بعض تحمست ورحت على الجامعه وسألت أ / مصلح عطاني كتيب وقالي ذاكر اول باول وان شاء الله سهله وقالي شهادة معتمدة ومعترف فيها وسجلت من غير ما أهلي يدرون قبل مايطلع القبول بكم يوم بلغت الوالدة بس ولما طلع رحت سددت و قاعد أذاكر شافوني اخواني يقولولي وش ذا الورق وش ذا الي تشوفه قلتلهم اني سجلت ادارة والحين قاعد اذاكر (استانسو) مع العلم اني كنت احسب فيها اختصاصات ثانية مثل اي جامعة انتساب (اي تي - برمجة - ادارة - محاسبة- حقوق -الخ) ماشفت وش في اختصاصات على طول ادارة حتى اهلي قالولي بتسجل سجل بس سجل كمبيوتر لأني قاعد أدرس برمجة حاليا قلتلهم ما ابي الى ادارة بس لما شيكت حصلت مافي الى ادارة واداب وتربية خاصة (انا استانست) قلتلهم مافي بس ادارة وان شاء الله يوم من الايام اكون ماسك منصب مهم في الادارة وهاذ حلمي
واسف اني طولت عليكم بس بالفعل هذا الموضوع خلاني افش خلقي