ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات تخصصآتكم الجميلة .. عرفونآ عليهآ ..

Angelica · 2011- 6- 18

اقتباس:

المشاركة الأصلية كتبت بواسطة miss.R.N

بنــآإت الانقلش ويييينكم...؟!

اقتباس:

المشاركة الأصلية كتبت بواسطة S.H.123

من جد وينكم أقلطوا لا تستحون

We are here

آمروا حبايبي ..

بعطيكم ملخص عن دراستي بقسم اللغه الإنجليزيه واذا بغيتوا تستفسرون عن اي شئ لا يردكم الا كيبوردكم

تو بيقن وذ .. انا من يوم وانا بالإبتدائي احب الانجليزي

احلى شئ لا تعلمت كلمه انجليزي اتحمس عليها واستخدمها طول الوقت حتى لو بدون مناسبه

<< تفاصيل مالها داعي

المهم سجلت بالقسم وانقبلت ولله الحمد .. بالبدايه كنت خايفه من كلام البنات اللي كله تهويل وترهيب ومبالغات لدرجة وحده قالت لي مافي وحده تدخل انجليزي وتنجح لازم تحمل مواد ووحده ثانيه قالت ان ماحد يتخرج من انجليزي بأربعة سنين !

طبعا انا قلت خلاص بجاهد واحاول واصبر لحد ما اتخرج حتى لو قعدت 10 سنين بهالكليه المهم اني ادرس شئ ابيه واحبه .. ومرت السنين << محد خش جو

.. واللحين انا بثالث والحمد الله

انا خطه قديمه ودراستنا مركزه على الأدب بس لأني انسانه اعشق الأدب مستمتعه جدا بدراسته " طبعا ما انكر انه احيانا صعب وبعض الدكتورات يجيبون المرض ويكرهونك بالقسم

" بس ان جنرال القسم ممتع ..

احلى شئ بالقسم بالنسبه لي " كيب ان مايند اني من الخطه القديمه " هو انك تدرسين بيريود معينه مثل الفكتوريان .. تدرسين الأدب والتاريخ وكل شئ لدرجه تحسين انك عشت بهالوقت .. احس من طريقة دراستنا صار عندي استيعاب اكثر للعالم اللي حولنا .. يعني صرت افهم واتقبل وجهات النظر بالذات البريطانيين والامريكان ونظرتهم لنا كعرب .. صرت اعرف اناقشهم مو مثل اول كل ماحد قالي شئ اتنرفز وما اناقش ونظرتي دونيه لهم عشانهم كفار وبيروحون النار

سوري عالإطاله واليوزلس ديتايلز