تعرض الشاعر عبد الله السلوم لموقف وجد ونش المرور يجر سيارته الجديده
بدون أي ذنب اقترفه
لقيت الونش يسحي موتري في ساحة الديـره
ركضت وقلت:يا سواق خبرني وش الجاري
انا ماخطيت بالماقـف وتخطيطـه وتنميـره
وش اللي خصصه بالجر علمني وش الطاري
خزرني بالعيون الصفر واسرع لي بتكشيره
يقول اني سحبته ياقليـل العـرف بخيـاري
وقفت ارجيه كني عبده اللـي طايلـه خيـره
وهويضحك مثل مايضحك فليحان بمكـاري
مشى قدام وجهي مانشد عنـي عسـى قيـره
يصلّب في مكانه لين يـذري فوقـه الـذاري
دفعت اللي طلـب منـي وحطـه بتقريـره
ورجعت بموتري للسمكره لو توني شـاري