المشاركة الأصلية كتبت بواسطة محترف

السلام عليكم ورحمة الله وبركاته
وعليكم السلام ورحمة الله وبركاته

يبدوا أن نوعية الإدارة في جامعة الملك فيصل عبارة عن مدير مدرسة ثانوية ومدرسين يسمعون كلام المدير ويمدحونه في الداخلة والطالعة في كل كلمة يلقونها
احترم وجهة نظرك لكن نحن هنا طلاب ولا علاقة لنا بإدارة الجامعة

لم اجلس مع احد الطلاب في جامعة الملك فيصل الا وكان مشدود نفسيا بسبب طريقة الدراسة فيها
طبيعي جداً اخي الكريم فهذا النظام جديد ليس على طلابنا ولكن ايضاً على طلاب الجامعات الاخرهـ

هل هو هم الواجبات .. أم هو هم المشاركات التي أعادها معضم الطلاب الذين لا يثقون في نظام هذه الجامعة
والله يا اخي الحبيب لو انه كان يوجد لدى هؤلاء الطلاب شيء بسيط من تنظيم الوقت ومتابعة ما لهم وما عليهم من بداية الفصل الدراسي لما احتاجوا ان يعيدوا حل الواجبات او المشاركة بالمنتدى

عندما سجلنا في هذه الجامعة .. تم الضحك علينا فيما يلي:
الرسوم : 2475 ريال ... وفي النهاية اكتشفنا انها أعلى سعر من بقية الجامعات ( لما تسجل العدد الأقصى من الساعات ) تطلع الحسبة فوق الـ 3000 ريال
ايضاً احترم وجهة نظرك ( جامعة الامام اجباري حصولك على الدوره التأهيلية بمبلغ 3000 ريال قبل ان تتمكن من بداية الدراسة ) ( جامعة الملك عبدالعزيز 3000ريال كل فصل دراسي من غير الفراطه )

البلاك بورد : قلنا ماشاء الله تطور اكيد الطريقة الدراسية راح تكون ممتعة ... وفي النهاية اكتشفنا قمة الفشل واجبات مملة نجدها في المنتديات .. لا اعرف ما الفائدة منها .. ومشاركات عقيمة .. جميعنا شاركنا أو اغلبنا .. بكلمة ( جزاكم الله خير ) .. وحنا ماندري وش محتوى المشاركة
يا صاحبي هذه مشكلة من لم يعرف البلاك بورد الا اخر اسبوعين من الفصل
وفي الاختبارات .. ههههههههه حدث ولا حرج .. في كل مرة تأخير من المدرسة الثانوية والمدرسين حقين الابتدائي اللي يراقبون علينا ويعاملونا كأننا ( بزارين )
نفسي مره وحده نختبر بالوقت المحدد
انا بالمدينة التي اختبر فيها بحمد لله لم اجد غير الاحترام والتقدير وايضاً حسن التعامل والمكان جداً مميز ( والكمال اخي لوجه الله وحده سبحانه )
هههههههه ايه ومافيه ترم صيفي .. تكملون 4 سنوات يعني تكملون اربع سنوات
الاخ النجار الله يخليه لاهله ولجامعته .. يقول لازم تدعمون السياحة الداخلية في هالصيف هههههههههه ااااه ياقلبي
يا اخي احنا تونا ما لنا غير سنتين وان شاء الله سوف يطرح ترم صيفي لنا قريباً ( ترى بعض الجامعات الاخرهـ طرحت الترم الصيفي بعد حوالي الاربع سنوات على بداية نظامهم عن بعد )

اما المنتديات حقتنا ... كل ما ادخل المنتدى ... احصل المواضيع هذي ..
متى المشاركات تنزل
متى ينزل الواجب حق المادة الفلانية
متى تنزل المحاضرة المباشرة

وفي النهاية لما نجي نتكلم يرد علينا المشرف على الانتساب نسيت اسمه .
ماحد قال لكم تجون اخر السنة وتشاركون
ياخي لا تجنني .. جالسين تعطونا بالقطارة ونظامكم زي الزفت .. وتجي تحط الحق علينا
ياخي الانتظام مايدرسون زينا .. عطني شي منطقي استوعبه .. لا تعاملني بغباء


وكالعادة بعد كل اختبار .. او لما تنزل درجات الاختبار نجد المواضيع التالية
الله لا يوفقك يا مدرس المحاسبة
حسبي الله عليك يالنجار
ومواضيع تنحذف من المراقبين بسبب عدم لباقتها أو احتوائها على مواضيع هادفة ( زي مايقولون ) انا مادري وش الهادف برأيهم .. وشعارهم ( لا حرية في التعبير )

وحنا كالعادة لما يجي احد ينتقد مدرس بسبب أو بدون سبب
مانجي والله ونعرف وش السالفة ووش اللي صار .. على طول بعد ما نقرا العنوان فقط نروح لخانة الرد ونكتب .. ( مالك داعي يا راعي الموضوع ) الدكتور يتعب علشانا
المدرس الفلاني والله يبغى مصلحتنا
المشرفين هنا علشان يساعدونا علشان نعيش حياة رغيدة
النجار يحبنا حيل ويبي يخرجنا من عالم الضلمات إلى عالم النور لكي نرا الحقيقة ( شطحة )
فعلا حنا زي ما قالوا .. (مع الخير يا شقرا )
لا بد ان نرتقي بأقلامنا ونعلم اننا بملتقى تعليمي
الله يعينا على هالجامعة وعلى بعض الناس
تدرون ان جامعة الملك عبد العزيز وجامعة الإمام من يوم الجمعة طلعت نتائجهم
ههههههههههه وتوني اقرا موضوع واحد يسأل عن توقيت النتائج واشوف ردود عجيبة
احد المشرفات ترد وتقول .. صار لنا اسبوعين مخلصين اختبارات .. اعتقد ان النتائج الاسبوع القادم أو الاسبوع اللي بعده او اسبوعين ونص ؟؟ بالله وش افهم من هالرد ههههههه ماحد عنده علم يسكت احسن له ..
وفيه واحد الله يرجه رد بشكل عجيب . هههههههه
يقول من باب خبرتي انها مسألة وقت ههههههههههههه طيب ؟؟ ههههههههه الله يعين
صرنا مفهين والا وش صار لنا بسبب هالجامعة

عموما انا بس حبيبت افضفض على هالصبح وبرجع لشغلي
وتحياتي للجامعة الجميلة ..
عسى بس الإمام يعادلون موادنا ونروح لهم
ادعوا لنا ..