|
كلية الغد تكرشنـآ .. او بمعنى اصح > تصرفنـآ !
السلام عليكم
بعد ما نمنا الساعه 12 و صحينـآ الساعه 7 الصبـآح ! 
و مسكنـآ خط من الجبيل الصناعية لدمام بحي العزيزيه !
موظفات التسجيل : والله ما راح نداوم وش تبون يا طالبات ! 
.. موظفات مافي !
ننتظر من الساعه 8 ليمـآ الساعه 10 ! 
المستخدمه يعورهـآ قلبهـآ على اللي ماسكه خط من الجبيل لدمام 
تكلم اداريه في الدور الثالث !
: البنت مسكينه من الجبيل فـ سوي خير و سجليها يا حرام !
اصعد الدور الثالث ادخل عند الأداريه " صالحه " !
انا : السلام عليكم
صالحه : وعليكم السلام
انا : لو سمحتي حبيت اقدم عن طريق الموارد بالكلية
صالحه : اعطيني ملفك
واللهي انتي وضعك صعب نسبتك ما نقبلها ولا تقبلها الموارد ولا تقبلها المنح !
انا : كيف و الموارد طالبين من نسبة 75 و فوق !
صالحه : النظام الجديد 80 وفوق !
انا : طيب انتم قدمو لي ع الموارد وان شاء الله يصير خير
صالحه : انتي ع الأحتياط و عشانك من الجبيل باخذ منك نسخه و عطيني ارقامك
.................................................. ...........
تم تبليغتي من قبل صالحه كلية الغد ترفع 100 طلب للموارد فقط !
يعني 100 طالبه فقط !
...
والله نظام مال امه قسم بالله .. و تقولي ولو بتدرسي على حسابك الخاص نسبتك ما نبغاها !
...
واللي ربه ما سخر له ظروف سنعه ايام الثنوي و جاب نسبة 75 !
و عوضها بالقدرات 81 و التحصيلي 70 !
والله ان حرام
طبعاً الأداريه اخذت صورة من بطاقة العايله و صورة من شهادة الثنويه
لمن قلت لآخوي قال تصرفك يا شاطره !
قالي دقي على الموارد و اسألي هل جددو النسب او لا !
اانا يأست لدقايق و قلت لقدم ع الأكاديميه
قالي اخوي ما تدرسين بشي بعد كم سنه يقفونوه !
شفتووو وش صار معي اليوم
|