البارحة كلـمتـنـي بـنـت مبـلـيـة *** ومعاملتها صراحة معي تعبانة
قالت كيف الحال قلت اهلين يا بنية *** قالت بغيت البنات قلت غلطانة
قالت تمزح قلت احكي بجدية *** انا رجل والرجل ملزوم بلسانة
قالت بلا دلع روح ناد بدرية *** وان كانت نايمة صوت لسلطانة
قلت الحقيقة ترى احنا عزوبية *** والكل منا يابنت في شانة
قالت بسولف معك لو تسمح شوية *** تراني قبل أتصل بك كنت طفشانة
قلت أهرجي زين وصفي النية *** وأنا بسولف معك بنية زانة
قالت تحب قلت أحب إلي حوالية *** أحب ربي ثم الكنق وإخوانة
وأحب ديني وأحب أراضي السعودية *** محبة ما عطاها الخل خلانه
قالت بضحكة وش باخلاقك تجارية *** أصلا يوم أسولف معك كنت خسرانة
إنت بدوي ماتعلمت الرومنسية *** إنت بدوي وحياته مالها خانة
قلت إسمعي زين كأنك طبيعية *** ولكن أضنك يابنت الناس سكرانة
حنا بدو ولا ثرنا ثارت الهية *** نثبت لا عارض البارود دخانة
حنا بدو واليا كوينا ننضج الكية *** يفرح بنا من أخذت ذوده وحيرانة
حنا بدو واليا إنكشف ستر السنافية *** يفرح بنا إلي يشوف الظيم باعيانه
يالي تقولين بدو أقول يابنية *** الأصل حنا وعز البيت سيسانة
اقدى فيها