|
رد: عاجل جدا لبنوتات الفيزياء والي تدرس اي مادة فيزياء ...
طيب انا رح اتكلم على اني اخر ترم بالكليه الطيبه والله يعدينا من ماده فيزيا النوويه على خير أول شي حابه اعلق على ماده اخذتها هذا الكورس وهي فيزيا نوويه 2 وبصراحه الأسئله كانت محطمه خارجيه اغلبها فيها افكار كثيره من برا والمعطيات قليله الاسئله كانت ظالمه بالنسبه للمنهج الي تقرر علينا لا الترم الاول ولا الترم هذا كلهم نفس الكتاب والكتاب لو تعقبين عليه وتطلعين رح تلاحظي ان كل سطر يحتوي على كمية هائله من المعلومات الي يعتقد الواحد انها معلومه وانقالت وهذا اكبر خطأ لأن الدارس من مرحلة بكالوريوس وتوه جديد ع الماده
ثانيا مافيه منهج يوضح لك الفكره وربطها يعني الاعتماد على كتاب نفس المقرر كإستفاده واكتساب معلومات فقط أؤكد لك انه غير وافي الشرح وأتمنى تتطلعين عليه حتى تتأكدين
بيوم الامتحان النهائي كنت جالسه اذاكر من النت مقالات تحديدا عن الشمس والويكيبيديا + الكتاب + الدفتر وبالرغم من هذا ماقدرت احل الا كم سؤال
ملاحظتي وأتمنى السنه الجايه عند إعطاء ماده زي النوويه تكون من تجميع الدكتور يعني يلم المواضيع من النت + كتب + خبرته إذا كان عنده فكره لأن اساس أي نجاح وتحصيل أي معلومه هو ترتيب المنهج مع شرح وافي متكامل صدقيني الترم الأول كان جايب الدكتور اختياري وفي فقرات كثيره حليناها عشوائي لاتقولوا البنات مايذاكروا البنات ذاكروا حتى الدوافير الي معاه أول بأول طالعين وبراسهم علامات تعجب مو عارفين من وين جايب الأسئله يعني لمن تكون الاسئله مو من نفس مستوى الشرح والشرح مو وافي بمعنى يعلمك لو جبت لك تحلي كذا لو جبت لك صيغة السؤال بطريقه مختلفه لو اطلب منك بطريقه يعني حتى لو يقولها مجرد تذكير فقط مافيه نتفاجأ بأشياء جديده نهائيا بورقة الامتحان كلنا معتفسين ماححد يطلع إلا وهو منصدم أو يبكي أو خايف
فأتمنى يكون منهج السنوات القادمه ملم بمعلومات وصدقوني ماده فيزيا نوويه جميله جدا وانا اذاكرها من النت واقرا عنها احس معلومات جدا رائعه ومفيده لأنها علم حديث بالإضافة ممتعه ومعلوماتها جدا قيمه وتنور العقل حتى لم ننسمع بالأخبار مفاعل نووي ويتكلمون عن اشياء في الماده مانستغرب الاشياء الي يقولونها لأن أخذنا فكره عنها عن الانشطار النووي والاندماج فحرام ماده زي كذا ثريه بأشياء قيمه تنتهي دراستها بعدم الاستفاده ولاتهون المواد الثانيه
|