والله أنكم كفووو من أولكم لا أخركم

ماعليك زووود <<عاشت الدور
عاد الحين نبدأ سرد الاسئله
حاضرين باللي نقدّر عليه

أولا وحده منكم بطله تروح لهم وتناقشهم بخصوص تليفونات ليه مايردون عليها حاطينها ليه يعني ؟ واذا غيرو يعطونا خبر ؟!

والله وانا اختك حتى إذا رحنا نفوسهم بخشومهم مدري وش عليه هالرواتب
وبعدين الله يهداك تبيننا ننطرد ولا ايش << خوافه

ثانياً متى بينزلون باقي المواد وليه الماث 2 مس آنا حراااام أنا مجربتها السمستر اللي راح
باقي المواد يقولون انها الاسبوع الجاي بإذن الله
وبالنسبة للماث الله يعينكم مافيه احد معطيهم وجه غيرها
فوضي امرك لله وجهزي قلمك ودفترك وسنتري قدام
وتعالي كلاساتها بدري عشان ماتنكبكم بساعات الغياب << أسأل مجرب

ومتى أخر موعد للقبول الصيفي ؟!

والله مدري اتوقع هالاسبوووووع لانو الاسبوع الجاي يبدوون باقي المواد

الاختبارات النهائي متى ؟!

اليوم قالوا لنا انو الدراسه راح تكون 10 اسابيع
يعني الفاينل بالاسبوع العاشر
واحنا الحين بالاسبوع الاول وعليك الحساب

وللمعلوميه >> ترى مجموع الاختبارات كلها 4 اختبارت

كويز (1)و(2)
وميد تيرم بوييك 5
وفاينل بووويك 10

اللي شافت الجدول تقولنا وش فيه