قصه جميلة ميشو
هذه قصة ثانية مضحكه لكنها حقيقية
الميت طلع لسانه وغمز!
حكاية صاحبنا هذا كأنها من الخيال، مع أنها واقعة حقيقية على قولة راويها وهو أحد أقاربه نقلا عنه .
تعود هالرجل كل فتره وفتره ، أنه يسافر بسيارته لبلده ليست قريبه لأمور تجارية .
الرجال بنص الطريق كان متعود يمر له بلده صغيرة يعبي السيارة بنزين ويشتري بعض الأغراض ، حدا المرات وهو يعبي سيارته بنزين وإلا يشوف ناس يحملون معهم نعش لمتوفي ، نزل من السيارة دون تفكير ومشى بجنازة الميت .
كان اللي يحملون النعش تقريباً سبعة رجال وهو ثامنهم، يوم حطوا النعش على الأرض وبدأوا يصلون على الميت ... وصاحبنا واقف معهم ، ينظر إلى الميت وإلا بالميت يخرج لسانه ويغمز له بعينه!
ترك صاحبنا الصلاة وهرب على سيارته تقول مجنوووون من الخوف ، أول ما شغل السيارة وإلا يشوف الميت يركض جاي للسيارة ، طار قلب الرجال من الخوف ودعس على السيارة وأنطلق تقول صاروخ وانحاش ( مو منحاش ) من البلدة .
الرجل ما علم أحد بالسالفه لأنه يدري أنه ما أحد راح يصدقه، وهو نفسه مو مستوعب اللي حدث .
بعد هالسالفه الرجال ما عاد يمر هالبلدة ... ولهو عارف وش سالفة هالرجال الميت ، المهم في أحد سفراته أضطر أنه يمر على هالمحطة بسبب أن البنزين خلص ، وقف الرجال ( وأمره على الله ) يتلفت خايف .. وفجأه .. وإلا اليد على كتفه ! ألتفت وإلا المفاجئة ؟!
الميت بجنبه .. حاول ينحاش يحط رجله وإلا ما هي سالفة ينحاش الرجال ماسكه بقوة .. تجمد الرجل بمكانه من الخوف ...
قاله الميت : " يابن الحلال، اذكر الله، اركد، أبي أعلمك السالفة "!
هدأ الرجل شوي ، وأرتخى بين يدين الميت يوم سمع لهجته وكلامه .
فشرح الميت للرجل الحكاية الغريبة يقول :
" ياخوي أنا رجال نضول ، أصيب بالعين ، عاد يوم جماعتي زهقوا مني ، ومن فعايلي ، كل يوم سادح لي واااااحد ، قالوا نبي نصلي عليك صلاة الميت ، يقولون النضول إذا صليت عليه صلاة الميت يبطل مفعوله ، وأنا قلت اللي تبون سووه ، واللي شفتهم عيال عمي وجماعتي وأنا يوم شفتك معهم عرفت أنك على نيتك تحسبني ميت فقلت أبي أمزح معك، طلعت لساني لك وغمزت لك ويوم شفتك هربت، قلت الرجال لايستخف ، وركضت وراك أبي أعلمك بالموضوع لكنك ركبت السيارة وانحشت .. والحين يوم وقفت والله عرفتك على طول وجيت أعلمك سالفتي "
ويوم سمع صاحبنا القصة مات من الضحك، والرجال يعزمه على القهوة ، وهو يأشر بيده مو قادر يتكلم من الضحك .
" يمكن الرجال عطاه عين خلاه يضحك "
هههههههههههههههههههههه