ملتقى طلاب وطالبات جامعة الملك فيصل,جامعة الدمام - عرض مشاركة واحدة

كيف حالك · 2011- 6- 21

يمكن كلامي راح يزعلك بس هو الصح
المعلم والدكتور لهم حصة يعطونها وبس اي شيء خارج المادة مالهم اي علاقة فيه ابدا
المعلمة سالت الطالبة ليه تاخرت ردت عليها الطالبة بوقاحه
هنا المفروض من المعلمه تستدعي المشرفة او المرشدة وتبلغها ويفتحون محظر في الطالبة ويكتبون كل شي صار ويرسل لإدارة التعليم في المنطقة وهي تقرر العقاب والطريقة والعلاج .

انتهى زمن ان المعلمة تصارخ وتضرب او توبخ الطالبة حتى لو كانت الطالبة على خطأ فيه نظام يحمي الجميع
مو من مهام المعلمة انها تحقق مع الطالبات وتتهاوش معهم هذه مهام المرشدة الطلابية البنت تاخرت عن الحصة يمكن نفسيتها تعبانه يمكن تكون مريضة يمكن تكون مو مهيئة انها تدخل بداية الحصة يمكن تكون قرفانه من المعلمه يمكن يكون معها عذر البنات المعروف وكل هذه الاشياء يحميها النظام والوحيد اللي له حق يكلمها المرشدة او ادارة المدرسة كانت تقدر المعلمة تقول لها هاتي ورقة من المرشدة او المديرة بسبب تاخيرك عشان تدخلي الحصة وانتهت المشكلة وهذا الاجراء الصحيح . لكن ما تجي لها وتقول لها وين كنت وتجلس تحقق معها قدام الطالبات هذا مو شغلها .

اقتباس:

لا يمكنني كبشر يحترم نفسه ان يقبل عملا عليه ان يتلقى من خلاله الاهانات طوال الوقت ممن هم اصغر منه سنا ولا يفعل شيئا سوى ان ياكل تبنا ويصمت !

ما احد قال له كل تبن بس خليه يعرف حقه وين وعند مين انا قريت موضوعه اكثر من مره لقيت انه مشتت وشكيت بصحة كلامه لانه حاول كسب عواطف الناس بعبارات استعطاف وضعف كبير لدرجة انه لو جبنا واحد مو في الجامعه راح يقول هذا اللي كتب الكلام طالب ولا دكتور !
ليه ترك حقه وجلس يبحث عن ردود الناس ! ليه ماكتبت كل شي ورفعه لمدير الجامعة لو كان صاحب حق راح ياخذ حقه . حسب قانون مكافحة جرائم المعلومات في السعودية يقدر ياخذ حقه من اللي اخترق جهازه لو كان كلامه صحيح انه اخترقوه . لكن كلام في الهوى بدون اي دليل ماراح يستفيد منه شيء
ان لم تكن ذئباً اكلتك الذئاب