صباح الخير والا الخير يهدي لك صباحاته
صباح الورد يا ورد العمر يا نغمة اشراقي
صباحك فـل واحلى فل يا طهره ونبضاته
صباحك هو بياض الروح صباح الروح يااوراقي
صباح الصدق لامنه كتبني في معاناته
و صدق الصبح لميته ثلاث سنين بأحداقي
تخيلها "ثلاث سنين وحلمي في ملفاته
بدولاب العمر يشهق! وانا اقول العمر باقي
ولا ليله نسيت الحلم تخيل جرح لذاته
تخيل كم هزيمه عشت وانا للضحك تواقي
لقيتك يا قدر عمري على رغم انكساراته
لقيتك والعجب طاغي و وردك ينتظر ساقي
اسميها حكاية روح حلم يخون يقظاته
اسميها حكاية صبح صباح الحب واغراقي