فيه العافية

,

,

,












وانا لو جيت اطشّر امنياتي ..\ واحرث المستور
تلثّم ه الشوارع ب السواد ..\ وتغري اقدامي !

تعبت اشحذ عناقيد الظلام ..الدانية\ مستور :
دخيلك لا تكبّر ه المدى .. وتضيق احلامي


انا مبطي ذوت مشكاة عمري من ضفاف النور
مثل ضحكة طفل ب اول مهادة .. مرّت ايامي

على وجه النصيب ارمي .. قميص الذكريات البور
تغيّربي بلاد التيه \...واوهامي هي اوهامي !


تهجيت المدينة.. في ملامح وجهي المكسور
جمعته \..واستحى كل الورق.. من فتنة اقلامي

كتبته ...والشعر ماريّح الا نظرة العصفور!
تهذري حنطة الجوع المصّفى .. والرحى "كامي"


تخيّلت الحبايب .. وامتلى جفني سما وطيور
بنيت ل فرحتي عش الخيال ... وطارت آلامي

وشفته ..يلبس ثياب السحاب..ويقتفيه النور
واشوفه كلما .. تنشف لهاة الارض.. قدامي !


واغض الظرف\والعادات\والتخمين\ يامستور
عن اطراف المناديل النديّة .. وانحني ضامي !

بعد شفت العمر حفنة سنين ..ودفتر ٍ مهجور
دخيلك.. لاتسل الذكريات...وتلطم ايامي