مشكورين ع الردود الحلوة
***
وأعتبر أهدافكم هي نفس أهدافي وأهداف الغالبيّة ..
( بس حاولوا تفصّلون الموضوع وتفكرون بصوت مسموع )
مثلاً : أنا عشان أحقق هالأهداف عندي أيضاً ( أعمال فعلية ) أنجزها ...
وإذا ماصارت الحين بتصير بعدين إن شاء الله
:
أطمح أسوي ( بيت للأيتام ) وحطيت هالهدف براسي .
لأن فيه إرضاء لربي إذا تحقق بإذن الله .. و من ثم إرضاء كبير لنفسي .
وإذا ماتحقق عندي خيار بديل مثلاً: أكفل ( يتيم ) وبكذا أكون حققت
جزء من هدفي
من أهدافي الزواج وليس الزواج لمجرد الزواج والانجاب وبس !!
أبي أولادي يكونون بصمتي بالحياة من خلال تربيتهم أحسن تربية وتسخيرهم لخدمة دينهم وبلدهم وأهلهم
وعندي هدف يراودني من طفولتي ابي يكون لي منزل بجنب أمي وأبوي
عشان أكون معاهم على طول وبكل وقت ويتربون أولادي بأحضانهم
وأقوم بواجباتهم على أكمل وجه
هنا أكون حققت رضى الله ثم رضى والديني بإذنه تعالى
كان عندي طموح أكون في ( مجال الصحافة ) بس غضيت النظر عنه لعدم توفر الوسائل لتحقيقه !
أهم شي ما أبي أمر بهالحياة مرور الكرام بدون مايكون لي بصمة مميزة وأثر في مجتمعي ووطني
***
عندي أهداف كثيره ولو أكتبها ماخلصت .. ولو ماتحقق هدف راح يكون عندي أهداف ثانية
*الحياة مستمرة والطموووح لا ينتهي*
/
\
,