الله يعطيك العافية
موضوع جدا رووووعه
انا بصراحه ماكنت افكر نهائيا بالتسجيل سواء بجامعة الملك فيصل ولا غيرها لأني مستقر بوظيفتي من اكثر من 14 عاما بشهادة الدبلوم والحمدلله وضعي الوظيفي من أفضل مايكون ،، ولكن كانت تراودني فكرة تحسين مستواي في اللغة الانجليزية وكنت افكر في الالتحاق باحد المعاهد الكبيرة لتطوير لغتي ، اتذكر وصلني ايميل العام الماضي عن مواعيد التسجيل في الجامعات والكليات السعودية وماكنت اعرته اي اهتمام وبعد كم يوم فتحت الايميل ودخلت موقع جامعة الامام للاطلاع وشفت كاتبين موعد لتسجيل الانتساب وصارت الفكرة براسي وفتحت موقع كذا جامعة ومن ضمنها الفيصل واضفتهم بالمفضلة ،، استشرت اصدقاء بالالتحاق في احد هذه الجامعات وحصلت تأييد كبير وسويت مقارنة بين الدراسة في الجامعة واحد المعاهد وطبعا مافيه مقارنة ،، وكان العائق الوحيد قدامي هو دراسة السنة الأولى لأني بصراحة كنت ارغب ادخل في التخصص مباشرة وبالاخير قررت اصبر اول سنة وبعد السنة الأولى راح تكون الاجواء الدراسية حسب ماكنت ارغب ، دخلت على موقع جامعة الامام وقدمت وقبلت ودخلت على موقع جامعة الملك فيصل وكان وقتها في آخر شعبان وحصلت اعلان ان التسجيل في 4/9 اذا ماخانتني الذاكرة وبعد هذا التاريخ باسبوع فتحت الموقع وسجلت بياناتي وقبلت ايضاً والحمدلله فاكملت ارسال اجراءات ارسال الاوراق وشهادة الثانوي وجاء قبولي النهائي ، ومااخفيك دراستي لاول ترم اعطتني دفعة معنوية كبيرة لأني تجاوزته بتفوق الحمدلله والترم اللي بعده اجتزت الاختبارات واطمح للتفوق بعد رغم اني اتوقع يكون اقل من اللي قبله بسبب بعض الاهمال والآن انا ان شاء الله منتقل للمستوى الثالث وان شاء تحصل الفائدة المرجوة من التحاقي بالجامعة ،،
يعطيك العافية مره ثانيه على الموضوع ،،