|
رد: مواقف الغش في الامتحان والظن في غير مكانه...؟؟؟
اقتباس:
|
لوسي والله لو انك بمكاني تطلع لك قرون وتطيرينهم تتكلمين بدون شعور بنفسك من القهر
|
لا أنا من النوع اللي آكل في نفسي من جوا .. وما أتكلم
بعدين أذا رجعت البيت .. أقول وش فيني ماتكلمت ..؟؟ وليش ماقلت كذا ؟ ووو
مثلا قبل كم يوم رحت للمستوصف الي جنبنا عيالي لحالهم في البيت ..
وأنا مستعجله أرجع لهم لأن لسه صغار..رحت بدري أول مافتحوا عشان أدخل بسرعه وأطلع بسرعه
ودخلت على الدكتوره كانت سعوديه ..
وقعدت أنتظرها .. وهي قاعده تسولف بالمسن على البلاك بيري .. لا وعندها أثنين ..
انتظرت .. وأنتظرت وأخيرا حطته على الطاوله.. قالت أهلا فيك يافلانه .. كيفك اليوم ..
كل هذا وعينها على البلاك بيري .. يعني وجهها لفته عندي وعينها على البلاك بيري ..
قلت لها أنا جايه عشان كذا وكذا .. قالت اهاا .. أهاا .. وبرضو ماطالعت فيني ولاسمعت شي
وبالأخير مسكته مره ثانيه ومن جديد ساد الصمت ..
هي ماسكته وتطقطق عليه وتتبسم.. وأنا حاطه أيدي على خدي وأنتظرها ومستعجله بعد..
كلام كثيييييير كان في فمي .. كثييير .. بس مافي ماقدرت أتكلم أبد ..
ورجعت البيت .. وأهااوش وأهاااوش لحالي .. 
الزبده .. مو الكل فيه جرأه يدافع عن نفسه ويتكلم ..
مادري ليش انا ما اقدر وخصوصا قدام الغرباء
طلعنا عن الموضوع 
|