الناس من حولـي وكنـي لحالـي
ماكنـي الا فاقـد العقـل لاحـول
عايف سوالفهم وعايـش خيالـي
خيال من يومه على الهم مجبـول
وخيالي الليلـه سببـه (الخيالـي)
خلا المطر سيل من الخاطرسيـول
متخيلـن خلـي و اشوفـه قبالـي
اشوف عينه تحتري منـي القـول
وقلت احبـك يابعـد كـل غالـي
والشده اللـي بيننـا لا زم تـزول
لاتحسبني دالـه(ن) عنـك سالـي
البال دايم ياهوى البـال مشغـول
انته( وله) قلبـي وكـل انشغالـي
من سبتك كني عن الناس معـزول
ياكم لعينك قـد سهـرت الليالـي
وارسلت لك من صادق الود مرسول
يازين ماهو زين شـح الوصالـي
يامالكن قلبي من العـرض للطـول
اكرمني بوصلـك ومـد الحبالـي
خل الوفا يبقى لهاالعمر موصـول
طول خيالي وصار لي صوت عالي
كلن سألني انت وش قاعـد تقـول
قلت الخيال اللي (يجيب) السؤالـي
هو الذي عن سجتي صدق مسؤول