المشاركة الأصلية كتبت بواسطة hanodh

هالشعر يجنن قليله فيه :

من هو اللي مضايقن حلو السنين
قال ذولا.. قلت جيت لتَهْدِئَتْكْ

لا تضايق من كلام الحاسدين
انتي احلى ما بك انتي تأتأَتْكْ

وتعرف انت وليه تأتأتك تبين
مايريد الحرف يطلع من رئَتْك

قال حلوه لكن اقهر لي حنين
يرحم اللي المراجل جرّأَتْك

بكم بيت وقلت يااسلوبك لعين
ابشر بتشميسَتْك وبلَأْلأَتْك

فيك لين ارق من شكوى الحزين
وفيك نيلٍ اعذبه في لؤلؤَتْك

وخوخ خدك فرصة اللي باع تين
ضاع سوق الخوخ يومه من فئَتْك

وانت كاش وباقي الحلوين دين
جل ربك يوم قال بتنشئَتْك

وانت مابك عيب غير انك حسين
وطيبتك عن كل عيب مبرّئَتْك

وضحكتك اجمل حديقة ياسمين
والبلا من خصلتين تفَيّأَتْك

ودك اتكي لا ضحكت بتوتتين
ابك وين ليا ضحكت ووين اتْك

والبراءه وينها وانت انت وين
البراءه بالبراءه هنئَتْك

يكفي...يكفي انك والذرابه توأمين
ولو هي بكيف الذرابه خبّئَتْك

في حدا العابك.. بعطرك.. بأي شين
المهم عن خلق ربي مجزِئَتْك

تف.. أعوذ.. من المرايا وكل عين
كانها ماتذكر الله لا رأَتْك

ودلعتنك اللي عثت بالجدتيين
وش عليا لو عثت بي سيئَتْك

من يسار القلب لين اقصى اليمين
تحت امرك من نعمك لـلأْلأَتْك

هاه يكفي ولا ازود حبتين
قال زود حبتين لبؤبؤَتْك

قلت طيب لا لثغت السين ثين
ضاعت علومي وتراها مبوّئَتْك

اول عيالي ورب العالمين
لثغتك سكر وملحك تأتأتك


لشاعرها

أتمنى انكم انتبهتوا ان الشاعر قالها في اول عياله اللي اهيه بنته اللي تتأتأ بكلامها وزعلانه من اللي يتطنزون عليها..