المشاركة الأصلية كتبت بواسطة هدوء البنفسج

بسم الله الرحمن الرحيم

النقاش محتدم
أسمحي لي أعقب على ردك ..
فقط احببت ان اقول للعقول الرافضة لقيادة المرأة السيارة
لكونها ملكة
هل تكون ملكة بالذل والمهانة

لاطبعا ..
عفوا اتمنى ان تنظروا نظرة للمجتمع ككل
انتم لديكم من يتكفل بكم

مو الكل

بالعامية
خلوا عندكم احساس
واذا ماتبون نسوق انا معاكم
كل واحد يجي ويودينا المكان اللي نبيه بدون ماينطق حرف واحد
كثار بنات والله متعذبين والسبب السواق ممنوع واحنا مالنا شغل ابكم
دبروا نفسكم << حلوة هذي ندبر نفسنا ومانعين عن السواقين والسواقة
وانا منهم لي اسبوعين ابي اروح السووق
وللحين قاعدة في بيتنا لدرجة اني اطل على الشارع من بيتنا عشان ما انساه
مو كل البيوت فيها محارم انا ماعندي الا ابوي في البيت ومانع السواق ولا يرضى يودينا كل مكان

يااختي مو الكل مثل حالتك .. وانتي تتوقعين لو سمحوا بالقيادة بيكون عندك سيارة وبتقدرين تسوقين بدون ماتلجأين لخدمات الرجال .. ليه تحصرون السواقة بس بالحرية ليه ماتفمرون بالمشاكل اللي تصاحبها !!!!!!!!!!!!!!!!
ولا لازم تحسون بالذل والمهانة عشان تحسون باللي محتاجين يسوقون

اي ذل ومهانة وانتي في بيت اهلك واللي تطلبينه ابوك او اخوك
قمة الذل لما تتعطل سيارتك وتقعدين تنتظرين احد يتكرم بالشارع يساعدك
وبعدين كيف تحرمون السواقة ولا تحرمون السواق
ابي افهم ماتصير خلوة هذي
ولا السواق مو رجااال ؟؟

الفتوى واضحة ( الخلوة محرمة .. لما يكون معك سواق طبيعي بيكون معك احد من اهلك )
والحمدلله نحن من قوم سمعنا واطعنا

ياليت قبل ما احد يمنع ينظر للكل

وبالنسبة للرجال السعودي لو انكم علمتوه من البداية على ىسواقة المرأة كان صار هذا طبيعي

ليش كل الدول عندهم سواقة المرأة عاادية
والرجال اذا يبي يتحرش والله بيتحرش باللي تسوق واللي ماتسوق
واللي محافظة على نفسها بتتم محافظة

صح عليك لكن ليه نفتح باب مسكر ومو كل محافظة ماتتعرض للتحرش يكفي بس اللي صار بجده وقضية القاصرات ( اطفال ) وتعرضوا للتحرش فمابالك بالمرأة الكبيرة حتى لو كانت محتشمة
ابليس يجري من ابن ادم مجرى الدم

واذا على العباية
اذا تقول الحين احنا نلبس عباية زين
عباية كتف فيها مليون لون ولون << والعباية الجديدة بيكون القماش ملون يعني كحلي بني
ما اتوقع تعتبر هذي عباية وهذا غير انها تكون مفتوحة

لا حد يدخل ويربط على كيفه الفساد مرح ينتظركم عشان توافقون على سواقة المرأة
فيه مليون باب بيدخل منه

ليه نظيف للمليون باب .. باب اضافي
لاتكوني مثل المنادين للقيادة لأنك ماتعرفين نواياهم وعقائدهم
وللأسف انا وراهم وكل بنت تقول ابي اسوق وبعدين لما نجي على ار ض الواقع
تكتشف ان حتى قيمة القسط ماعندها .....
فكروا بعقولكم قبل العاطفة..
وصلى الله وبارك على نبيه محمد .