|
رد: |--*¨®¨*--|أسئلـــــــــــــــــة خفيفه وبسيطة|--*¨®¨*--|
(1)
•من أي بلد إنت !!؟
من الولايات الاحسائية الشغيغة يا زولة
• شنو المنطقة اللي ساكن فيها !!؟
محافظة الخالدية حارة (ج)
•عاجبك فريجكم ؟ و ليش !!؟ عندكـ ربع من الفريج !!؟
ايه عاجبني فريجنا بس اللي مو عاجبني المطبات اللي فيه واللي كسرت سيكلي ...وللاسف ماعندي ربع
•فيه برادة يم بيتكم ؟ شسمها!!؟
فيه بزبوز حاطه ابو جيرانا اذا كان هذا قصدك
•شنو يتميز فيه فريجكم أو مجمعكم !!؟
يتميز بانه بارد في الخريف وصاهي في الصيف 
(2)
• شرايكـ بنفسكـ!!؟
مفروض العكس شاي نفسي فيني
•ما مدى ثقتكـ بذاتكـ!!؟
مثل ثقة ذاتي فيني
•إنت عنيد لو لا!!؟
انا لا عنيد ولا "لا" انا متخرج
•تحس نفسك معقد حزآت!!؟
يمكن الحين حسيت من اسئلتك
•شنو أهدافكـ بهالحياة ؟ و شنو آمآلكـ و تطلعاتكـ للمستقبل !!؟
هدفي العب في المنتخب واسجل قول في كاس العالم
(3)
• شرايكـ بالصداقة!!؟
الصداقة حلوة طعمها زي طعم مصاص بو نص
•قد مرة خانكـ صديقكـ !!؟ اذكر موقف و شلون!!؟
كثير الاصدقاء اللي خانوني وتركوني وجرحوني
•إنتهـ حليو مع ربعكـ لو نذل!!؟
حليو لدرجة ان مخباتي انترست فواتير مطاعم
•شنو يعني الوفا و العهد مابين الاصدقاء و هل تؤمن فيه!!؟
الوفاء اني ما احس لجيت اموت بندم اني عرفته والعهد اسلمه لك لحظة مماتي
•أذكر موقف علمك معنى الصداقة الحقيقي !!؟
صار اختبار ذا ...المواقف كثيرة ومنها قصة حب مريت فيها وانتهت
(4)
•شنو أحسن الأكلات عندكـ ؟ وليش!!؟
احب الجح بالكرميل!!! كبسة..مشويات..كفتة المنير
•شتحب من الفوآكه ؟ و شتحب من الخضروات !!؟
من الفواكة الخس ومن الخضروات الموز والمنقا
•شالمطاعم اللي تحبها !!؟
بوفية الاتفاق وسفيان وصاجين بالكبدة ومن البوفيات توباز والمنير ومروش
•شتحب تشرب أكثر شي!!؟
لبن وعصير كي دي دي
•تعرف تطبخ .. مهما كآن جوابكـ (ياليت تقولنا قصه عن محاولاتك الناجحة أو الفاشلة) !!؟
ايه اعرف اطبخ وقد مرة سويت فول مدمس بس مدري ليه طلع حالي
(5)
•شرايكـ بالزواج!!؟
شر لا بد مه
•شنو مواصفات شريكـ حياتكـ !!؟
صادقة وتحبني من كل قلبها
•شرايكـ بالحب من طرف وآحد !!؟
عذاب ومشكلة جدا وكثير تصير
•تقبل أو تقبلين إن الطرف الثاني يكون من اختيار هلكـ !!؟
اذا كانت على مواصفاتي ايه
•لو حصل و كنت مغصوب ع الزواج .. أو ماتقدر ترفض لأنه الرفض بيسبب مشاكل أو الخجل يمنعك تقول عن رفضك شبتسوي !!؟
على حسب الظروف
(6)
•وين الاسلام بحياتكـ هل إنت ملتزم أو !!؟سؤال مدري وش يبي..الحمد لله انا وسط •تصلي كل الصلوات !!؟
الحمد لله
•تقوم تصلي الفير ولا تكيسل !!؟
ابي اعرف منهو ذا اللي حاط هالاسئلة !!!!! ايه اقوم
•تسمع اغاني ؟ ليش ؟ قد مرة حاولت تخفف أو ماتسمع !!؟
ايه اسمع مرات كثير ومرات شوي والامبي ثري في اذاني الحين
•هل فكرت تنشر الخير أو تدعي حد للخير و تنهاه عن الشر !!؟
انفق بحيث لا تعرف يمينك ما تنفق شمالك
(7)
•تحب الرياضة ؟ ليش!!؟
ايه كنت العب كورة وكنت مفروض العب مع منتخب الناشئين لكن الظروف
•شتشجع من الفرق !!؟
النصر
• هل تفضل شريكـ حياتكـ يكون يشجع نفس الفرق لو هب مشكلة!!؟
هب مشكلة ...بصراحة فار دمي من هاللهجة !!
•شنو احسن الرياضآت عندكـ !!؟
ركوب الفيلة
•من أحسن لاعب أو لاعبة عندكـ بأي رياضة كانت!!؟
اشجع زينب العسكري
(8)
•تحب إنسان معين حب عاطفي هب أخوي يعني!!؟
حاليا لا
•هل يدري عنكـ هالشخص !!؟
لو فيه شخص بخليه يدري عني غصب
• تتوقع لكـ مجال معاه أو لا!!؟
ابوك ياللقافة!!
•هل إنت مرتبط معاه رسمياً أو كلام بس!!؟
نفس اجباة فوق
•شنو مصيركـ لو فقدتهـ !!؟
خله يجي الاول
(9)
•شنو أحلى الالعاب اللي تحبها مثلاً الدبادبيب يعني و هالسوالف !!؟
سنيك اللي في الجوال
•شنو احلى هديه ياتكـ !!؟
طقم عطر
•قد مرة تأثرت بهدية ؟ ليش ؟
لا
•شرايكـ بهالمثل " الهدية لا تهدى و تباع " بغض النظر عن اي شي صار !!؟
اللي يبيع هدية ماعنده سالفة
•قد مرة رفضت هديه ؟ وليش !!؟
لا هو اصلا حاصلي !!!
(10)
•شرايكـ بالأسئلة !!؟
ترفع الضغط ومع احترامي للهجة الا انها نرفزتني
•ودكـ بعد تنسأل أسئلة لو كفاية !!؟
بس واللي يرحم والدينك
•ودكـ اسئلة خاصة بشي معين و ماسألتها؟ زين شنو ؟
كم مقاس طاقيتي
•تعبت لو لكـ بارض تكتب بعد !!؟
كيف الحال؟؟
•تبي مثل هالمواضيع والاسئلة مرة ثانية لو مالها داعي !!؟
لها داعي بس تتغير بعض الاسئلة شوي
|