المشاركة الأصلية كتبت بواسطة فيزيائيه

مره كنت رايحة زواج مع جدتي وخالاتي

لما جينا بنطلع واحد من اخوالي قال يلا اطلعوا وانا ابغى ارجع معه عشان نمر مطعم ماحب اتعشى في الزواجات

المهم واخذ عبايتي وخالتي وبنت خالتي الا جدتي تقولي استني بنروح معك وماكان ودي تروح معي ماراح تخلينا نمر المطعم

المهم هي جلست تدور على غطاها واحنا طلعنا

حصلنا سيارة خالي عند الباب واركب اول وحده واقفل الباب عشان ماجلس بالنص وخالتي جت بتتركب قدام بعدين غيرت رايها وجت ورى وتجي بنت خالي تقولي افتحي بركب وانا اقولها لا روحي من الباب الثاني ماراح اتحرك وتخيلي الشارع مليان رجال
المهم قالت خالتي خلاص فشلتوا تعالي من الباب الثاني
شوي الا رجال جاء ركب السيارة الا بنت خالي تقول خير وش تبغى وهو ميت ضحك قال تراكم غلطانين هذي مو سيارتكم

انا خلاص ماقدرت اتحرك من مكاني جلست اضحك وربي فشيله ومن الهباله رجعنا دخلنا القاعه ميتين ضحك

ولما طلعنا مره ثانيه الا هو نفسه عند الباب قالنا انتبهوا ترى سيارتكم هناك

وطبعا السالفة انتشرت عن الجماعه مابقى احد مادرى عنها