|
رد: مــــاســــنـــجـــر الـــمـــلـــتــقــــى
اقتباس:
مرزوق أفااااااا
بغيت تستجن شو صاير كل هذا بسبب النت
خلاص أنت لين ينقطع عنك النت قولي علشان اجي اتفرج لين تستجن
مو لله ولا مساعده بس تفرج
تدري ليش؟؟
بتخلي بو احمد يحجب الملتقى عن كل ورع وورعه في الثانوي
يعني الكلام لك ياجاره
افا كل هذا انا اجيب النحس
هين اوريك يامرزووووق
صبرك علي
أنا بصير هالأيام هاديه عشان الله يوفقني في الأختبارات ماراح اسوي اجرام
بس خل تخلص الأختبارات يويلك وياسواد ليلك مني
هلا عاشو ا كلللللللللللللللللللللللوش
|
جربي خل ينقطع عنك النت وبنشوف شنو بيصير فيك اقلها بتفقدين قواك العقلية بس اكثر شي قهرني اني تمشورت كذا مره للأتصالات وغير التليفونات للصيانه والشركة المزودة هذا غير اني مره كنت في المكتبه الي في المستشفى وكان في انترنت في الكمبيوترات فقلت خلني امشي حالي مع انه < ديال اب> يعني بطيء وما ينفع بس شنو انسوي ويوم جيت امشي الا توقفني الموضفه تقول لي تعال ادفع خمسه ريال بدال ما استعملت النت
قهرتني قليلة الأدب انترنت فاشل وادفع له فلوس وانا عندي في البيت ببلاش وحتى احسن مقهى ما يوصل لهذا القيمة بش شنو اسوي دفعت لها المصرية الي ما تستحي
ذكرتيني بأيام ثانوي كانت ايام حلوه ما ننساها بس ما ودنا نرجع لها اذكر نقصتني دراجات كثيره في الفصل الأول بس في الأخير جبت نسبه زينه في النهائي وصرت من الأوائل في المدرسة مع اني ما كنت منهم والله ما ادري شلون جات بس الحمد لله على كل حال
انتي اهم شي استثمري هالفتره ترى هالفتره ما يعرف لها الا الأذكياء والي يجيبون نسب عاليه اهم الي ينظمون وقتهم خاصتا في هذه الفتره
الله يوفقك ويسهل امورك
اقتباس:
واللي يقول لك انه يكتب رد او موضوع كاااااااامل
بالطول والعرض
ولما يجي يرسل الرد
ينقطع الأتصال ويصير زفت مره وحده
وتعبه يروح ببلاش
وش يكون حاله
|
حتى انا تصير لي احيانا بس انصحك لما تكتبين الموضوع او الرد تحددينه كامل < control+A > ونسخيه < control+C > ولما يرجع النت لصقيه ونزليه واذا ما رجع لصقي الي كتبتي في ملف وورد ولما يتصلح نسخيه مره ثانية ونزليه عشان لا يروح تعبك هدر
انا عندي برنامج يسرع التصفح اشتراكه بـ 200 في السنه كان احطه في الملتقى بس مشكلته انه يفتح كل الصفحات في الأنترنت ولا ابغى احد يفتح صفحات مو زينه بسببي بس يوم جربته صار الأنترنت مجنون والسرعة هواء
|