|
رد: احتاج لك~~ بدنيا قست فيها قلوب البشر
اليوم رحت لفندق الخزامى عشان اشوف الترتيبات كيف صايره
ويوم شفت الناس غافله عني
قلت يابنت خليني اروح اجيب لي شي اشربه لاني ماعاد صرت انتبه لنفسي
طلعت ويوم شفت رجال حق الامن واقف وقاعد يناظرني كني مسويه جريمه يروووع هجيت لمكاني وهونت اجيب لي شي
رحت لوحده من العاملات واقعد اجاريها وتكفين تعالي معي وهي تعيي لا مابي روحي انتي
وش ذا الحاله حسيت ان ودي اصيح حتى ذا الشي مو راضي يجي معي وش ذا الحظ الغبي
قلت هين والله بقوي قلبي وبروح والي يصير يصير
مشيت وانا منزله راسي واجي عند الجدار الي واقف واسأله لو سمحت ممكن تعلمني اقرب موقع كفي من هنا
قال لفي من هنا ثم امشي يسار وطولي لين يجيك المصعد الكهربائي اطلعي معه وبعدين بيجيك اللوبي وهم يكملون لك الباقي
قلت طيب شكرا
<<< وانا منزله راسي ماشفت وصفه المهم رحت ودرعمت يمين ويسار لييييين وصلت اللوبي ولقيت ناس اظن انهم من العالم الخاجي
شي لابس بشت وشي مالبست عباه والله شكيت اني بالسعوديه
قلت غضي البصر وامشي يابنت والله مغصني بطني
المهم دخلت السوق وقلت اشوى انا بالرياض لاني اكتشفت نفسي بالفيصليه
اخذت لي عصير
ورجعت للمقر الي انا جيت منه
شافوني البنات وكل وحده تقول مضيعه بزرها ويوم شافوني ماتوا من الخوف وانواع الاسئله وينك وين رحتي وش فيك عسى مانسرقتي <<< تكفون عاد انسرق 
مادريت اني مهمه لهالدرجه اثرني تسذا لبى قلبي 
اول مره احس بالاهتمام عن قرب
الله يخلي لي من اهمه ويهمني يارب العالمين
ماعاد ابي افكر باي شي يضايقني
خلالالاص
شفت اليوم شي عجيب يمكن بيوم من الايام اروح فوق وانسى كل شي
ان شاءالله الفرج قريب .gif "(204)")
|