تصورت الفراق ولا قويت اتحمل الصـوره
اجل وشلون لو انه يجي وشلـون حزاتـه ?!!!
صحيح ان كلمته سهله وعند الناس مقدوره
ولكن هقوتي محد يحـب وعـاش لحظاتـه
تصورته كما مـوج خذانـي لعبـة بحـوره
وشهقت الموت ياربي عظيمه حيييييل سكراتـه
تصورته كما قبر يضيـق ويختفـي نـوره
احس بكل من حولي وانا اسمع كل خطواتـه
تصورته سحاب فات وارضي ترتجي مطوره
مضى له بالهوى ماضي وشان الوقت صكاته
تصورته كما البستانوغيري يقطف زهوره
كثر ماضاع جهدي فيه وغيري نال زهراته
تصورتـه كمـا ام ..تـوه انتـهـى دوره
جنينه مات من يومين وزادت فيهـا وناآإتـ‘ــه
تخيلته كذا مره وبكت عينـي كـذا صـوره
اجل وشلون لو انه يجي وشلــ؟ـــون لحظاتـه