اختي الله يرحم والديك تكلمي بعقل ومنطق عشان الواحد يرد عليك
درء المفسده مقدم على جلب المصلحه <<
لاتقولي قيادة المرأه مفسده الحين كل البلدان اللي تسوق فيها الحريم كلها فساد
بقولكم شي قبل فتره رحت انا وزوجي الكويت الحريم تسوق السيارات منقبه وفي حالها ماشفت لامشاكل ولااحد يتعرض لها الوضع جدا طبيعي وعادي ماشفت حتى احد يتحرش فيهم بعض الحريم طالعه لوحده وبعضها مع عيالها ويازينهم زيناه محتشمين حتى استغربت كيف اللي نشوفهم بالتلفزيون وكيف هذولي محتشمات حتى للوجه مو كاشفات , وتدرون حتى ماطلبت من زوجي اني اسوق ولاقلت له علمني السياقه لوكانت القياده شغف وحلم وفرفره بالشوارع على قولة البعض كان انتهزت الفرصه فرفرت بسيارة زوجي وماخليت مكان مارحته بالكويت وغيرها بس والله حتى السياقه ماعرفها وماطلبت اتعلمها وتفكيرنا اكبر من كذا ..
واكيد كل شي فيه ايجابيات وسلبيات
ويعتمد ع الشخص كيف يتعامل معه وتربيته وقوة ايمانه
يعني ابسط مثال لمى جا النت شوفوا الجانب السلبي الاناث كم بنت كشفت عن نفسها امام الشاشه العنكبوتيه امام شخص مجهول الهويه كم بنت انفضحت كم وكم ..
قولي بعد ع النت درء المفسده مقدم على جلب المصلحه ,, يمكن لو سألناك قبل كم سنه وقبل مايصير النت في متناول يدك ويد الجميع كان هذا رايك
وكان انتي الحين ماتدرسي بالتعليم الالكتروني
لو على كذا كان حنا جلسنا بالعصور البدائيه وماتطورنا على حساب هالاشخاص اللي نخاف من مفسدتهم لو القرارت بيد اشخاص مثل تفكيركم كان ماارتقينا ولاتطور حالنا
استغفر الله العظيم بس
والحمدلله القرار ماهو بيدكم وكلامكم لايقدم ولايأخر
القرار بيد ابو متعب مهما قلتوا وسويتوا لو وافق ابومتعب غصب عنكم الحريم بتسوق
