|
رد: لا نريد مطالبة بقيادة السيارة نريد المطالبة ببقاء أطفالنا وأخوتنا في كنف الأم بعد الطلاق
اقتباس:
المشاركة الأصلية كتبت بواسطة آبادي
موضوع حساس صراحه واشكر ashoog على الطرح بس عندي سؤال .. ليه لما يصير الطلاق يدخل الاولاد طرف اساسي بالموضوع ؟ مالها منطق الا انه ان كل طرف بينتقم من الطرف الثاني لا أكثر وحب للذات .
ماحد يختلف ان الام احن على عيالها عشان كذا لما صار معي الطلاق قررت ان الولد عند امه وانا اشوفه كل ما بغيت صحيح ما يهون علي مااشوفه واحضنه وينام عندي كل يوم بس أمر الله (الطلاق) وخربت مرحله من حياتي لا اخربها على ولدي لازم أفكر بمصلحته .
وابشركم الولد حافظ جدول الضرب اللي انا للحين ماحفظته ودرجاته جدا مميزه ونفسيته ولا اروع وما نقصه شي نجح من رابع راح لخامس قال ابي بي بي يستاهل البي بي والكل يدلعه عمانه وخواله وجدانه وجايبله شغاله (خساير هالولد هههه) لكني اغليه ابن اللذينا لكن ماعليه كل شي يهون لعيون ولي العهد .. وتبي تعرفون زوجه الاب تتحمل عيال غيرها والا لا كل واحد يجيب ولد اخته والا ولد اخوه ويلعبه ويمزح معه صدقوني ماتكلمون ربع ساعه الا تقول ماله ابوه يجي ياخذه لكن الظنى غير (اللهم اغفر لوالدي وارحمهما كما ربيني صغيرا)
الشاهد اني عايش هالتجربه وشفت لها فوائد كثيره يعني بعد العشره اروح اوقف انا وابو المدام محاكم ومشاكل بالعكس خالتي جدة الولد كل اسبوع اكلمها واتشكر منها وبارك لها بنجاح الولد ياخوان هذا الحفيد ولدهم وولدي وكلن له حق
تحياتي،،
|
أنت أميـــــــــــــــــــــــــــــــــــــــــــر
قليل اللي زيك وربي يعينك
انت انسان فاهم وينبان من تعاملك
وأمه أكيد انسانه تفكر في ولدها ومهتمه فيه والدليل اللي كتبته
ما راح ادخل لحياتكم الخاصة لكل له أسباب في الطلاق
والابناء لا نريدهم من يدفع ثمنه
الله يوفقك وين ما تكون
وان كان بينكم الخيرة فالله يجمع بينكم
ويعوض ايامكم بخير
والله يكثر من أمثالك في التعامل مع ابنائهم
..
|