المشاركة الأصلية كتبت بواسطة ام ناصر

اخوي شاعر رايق .. انا ما اتحداك مثل انت ما جالس تتحدى .. اقولك وبكل صرااااحه .. انا مع قيادة المرأة للسيارة مو لأني علمانية او ليبرالية لألألألألأ والف لأ .. لأننا صرنا في زمن نحتاج فعلا للقيادة واقولك ليش
1- ما فيه ازواج يعتمد عليهم الا من رحم ربي
2- ما فيه اخوان يعتمد عليهم الا من رحم ربي واغلبهم اذا طلبنا منهم مشاوير ضرب بوز وسوى زعلان حتى ما تطلب منه شي بعدين
3- استغلال السواقين لفلوسنا واعراضنا استغلال مو طبيعي يعني دفعت خلال الاختبار بس 200 ريل روحه ورجعه ( مو حرام )
4- في الشغل اذا زعل السواق وماله مزاج يجي اتصل على زوجي مشغول واخوي ما يقدر يترك عمله ويجي ... يعني مع مين ارجع ...
انا مع قيادة المراة لكن بضوابط مثل الحجاب والنقاب وتغطيه الوجه وقبل الساعه 9 مساءا وتجاوزت 25 سنه وفي حالات كأن تكون المراة موظفة او ارملة او مطلقة يعني من ذوي الظروف الخاصه وبكل صرااااااااااااحه الحين ما فيه رجل يعتمد عليه يعني لازم المراة تعتمد على الله ثم على نفسها وتقضي امورها بنفسها ....
وبعدين حرام تقول اللى تطالب بالقيادة ما تصلي الفجر ليش يعني استغفر الله هذا بهتان عظيم ..اتق الله في كلامك اخوي ...القيادة مساله وقت لا غير .. تقبل الواقع ولا تصير مثل بعض الناس اللى كانوا اول المعارضين وبعدين صاروا اول من يشتري لمحارمه السيارات زي المعارضه في بداية ظهورالتلفزيزنات وتعليم المرأة الجوالات ...