هذي القصيده كتبتها للهجاء والسخريه من ما يسمى منتدى الحوار...اليوم وانا احاول
الوصول الى الدرجات ولا استطيع بسبب النظام السيء تذكرت معاناتي لمدة اسابيع
من اجل وضع مشاركات في المنتدى دون جدوى فقررت ان انشر هذه القصيده متمنيا
ان تنال اعجابكم :)
يا منتدى التعليق يا مشغل البال
ضيعت وقت وجهد وين الافاده
ما بين نسخ ولصق والصدق ينقال
ما هو بعلم الا وربي بلاده
لو ينعدل مره عشر بعدها مال
علق كما العادة ويطلب اعادة
الشمس ما تحجب لو تجيب غربال
ولو جيت اشيد تقول عيب الاشادة
بتقول وضع المنتدى صار موال
موال كله هم وضيق ونكادة
ما كني الا منتظر عند فوال
قبل الفطور بعصر شهر العباده
الفرق بس الفول لا بد ينطال
والمنتدى شهرين زايد عنادة
يا كم شكينا بس ما عندك رجال
كلن كبر راسه وتحته وساده
فالفقش والتصريح تاخذ لك افعال
وفالجد ما يعطونك اهل اسعاده
هذي حقيقه ماهي مجرد اقوال
واحلف عليها واقبلوها شهادة
اكبر فضيحه عمدة العلم دجال
والعار قبل العام نفس البلاده