2011- 7- 3
|
#64
|
|
أكـاديـمـي ألـمـاسـي
|
رد: ¸.•°™ مـטּ هـڼـٳ ۅ هـڼـٳڪ ⌒ ڈمـ ۄ عِّـ ے ۈ ٱ ڜـجـآכּيْ تتنآثِّرْ ™°•.¸ >> مُدونتـ ے
[frame="8 70"]
أبي ابكي من الضيقة وبعزف للهـمـوم ألحـان
أبي أطلق مواويل الحـزن واطـرح دواوينـي
أبي أشكي أبي احكي أبوصف للبشـر حرمـان
أبيهم كلهـم يـدرون أبيهـم يشعـروا فينـي
أبي لا من طرى اسمي بكى من لوعتي شيبـان
أبي لامن طرى "عاشق" ذكر من كـان يغلينـي
أبيهم يذكرون أنـي بدمعـي صرت غرقـان
أبيهـم يعرفـون الهـم هوّ اللـي يخاويـنـي
أبي أصرخ وأبلغهم وأقول أن الفـرح خـوّان
يجي مره معاي و هو طـول العـمـر ناسينـي
أبي اترك لهم قصة وأخيّرهـم علـى العنـوان
يسـمّـوا "حزن " يحطوا "دمع" أنا ما عـاد يعنينـي
أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي
أبي شخص يجي يمـي و يقفـل للعنـا بيبـان
أبيـه يكون لي خـلٍ علـى حزنـي يواسينـي
أبيـه لمركبي مرسى وأبيـه لغربتـي أوطـان
أبي لامن ذرفـت الدمـع يجي لـي يعزّينـي
أنا ما أبيـه يصبح ضلع أبيـه يكون لـي ضلعـان
أبي لا من مشيت وطحت حط يديـه في يدينـي
إلامن خانني التعبير أبيـه يكـون لـي لــسـان
أبي لامن سكتْ ألقاه يفـهـمـني مـن نظـرعينـي
أبي لا من تعبت وضقت لمّ الروح بالأحضـان
أبيـه يكون لـي كتـاب إذا ضاعـت عناوينـي
أبي أعشق وأبي أغـرم وببنـي للهوى بنيـان
أبيـه يكون مبنى ضخم ويسكـن فيـه مغلينـي
أبي واحد يسكن بي وبطرد لأجلـه السكّـان
أبي يسكن وسط قلبـي وعـمـرهـ مـايخلينـي
أبي أشعل شموع الحب وبأعطي من الغلا بستان
أبـي أهديـه باقـة ورد مسقيهـا شرايينـي
[/frame]
|
|
التعديل الأخير تم بواسطة أشجـ الدموع ـان ; 2011- 7- 3 الساعة 10:19 PM
|
|
|
|