نسيت اضحك واصفق لك بعد ما انتي خدعتيني
نسيت اهديك ورد احمر لونه يشبه جروحي
نسيت افوق من صدمه قويه حيل وتبكيني
نسيت ان العمر ماشي نسيت اداوي طعوني
كبيره حيل في حقي تحبيني.. وتخونيني
تجيني كل يوم بحال وانا رافع لك كفوفي
اتواضع لحبك دوم وفي الآخر تبيعيني
اضحك لك وانا غارق في بحر دموعي وهمومي
ترى ما هو عدل والله تبيعيني.. وتشريني
حرام اصلا تبيعيني وانا اذرف لك دموعي
ابي من قلبك الرحمه والقى القسوه تنهيني
عديمة قلب ما عندك ضمير يذكرك فيني
اعاتب ليه؟؟ وابكي ليه؟؟ مدام انتي كرهتيني
اروح افضل واتناسى واخبي الدمع بعيوني