|
رد: كل الاقسام ممكن دخوول واخص الخريجات والتحضيري
مسـاا الخير ع الامورات
حبيت افيدكم في بعض الامور من خلال تجربتي مع الكليه ب حكم اني خريييييجه < - مو مصدقه 
شوفو حبوباتي
راح تلاقو صعوبات كـثيره جدن جدن ب الكليه
راح تجيك حاله نفسيه وشويه كآبه
اتوقع انكم مريتو فيها خلااص ب حكم ان لكم سنه ب الكليه ه الحين
انــآ ما ب قول لكم ه الحكي عشان اخوفكم ، لأ
ابقولهاا والله نصيحه من ام لخواتها < - دوعاابه 
راح تنظلمي عند بعض الدكتورات وتحسي ان كــــــل شي انتي سويتيه راح هباءا منثورا
راح تشوفي ان اللي ما ذاكرت ولا حلت ، تاخذ درجات اعـلاا منك !
وانتي ياللي تعبتي واجتهدتي تاخذي درجه ما تجي ربع اجتهادك
راح تـُطلب منك طلبات لو تأملتي فيها ب تحسي انهاا تعجيزيه !
: واجبات وبحوث ل عده مواد مطلوب انك تسلميها ب نفس اليوم وابشرك يكون عندك في ه اليوم اختبار وكويز 
ب تحسي انك جالسه تسابقي الزمن !
راح تجيك اوقات تفكري تسحبي فيها ملفك ! و ه الفكره راودتني تدرو متى ؟
ب الترم الاول من سنه رابعه ! يعني ما بقى شي واتخرج !
طبعن كانت نتيجه ظلم من كذا دكتوره وضغوط دراسيه و .. ماعلينا
وغيرهاا كـثيير
بس ب المقابل راح تاخذي حقك وزياده عند البعض الآخر من الدكتورات
و ي الله وش قد فرحتك يوم تشوفي ثمره جهدك
هذا الشي ب يحسسك ان الدنيا لسا بخير و ما ضاع لك تعب
ويمحي جزء من شعورك ب الظلم والقهر
نصيحه نصيحه
اجتهدن من ه الحين خلي معدلك مرتفع
لانوه صعب يرتفع بعدين ، حتى لو ارتفع ما ب يرتفع كـثير
خلي بنيه معدلك قويه
شاركن مع الدكتورات ب حيث انهاا لو شافتك ب السيب - مثلن -
تعرفك : وتقول في بالها ذي فلانه بنت فلان من افضل طالباتي
هذا الشي ب يفيدك كـثير
يعني مثلن بعض الدكتورات لو عرفت مستواك الممتاز واخفقتي في بعض المتطلبات
ب تساعدك هي من عندها ، وكمان ب يفيدك ب التصحيح
وترا بعض الدكتورات يعتمدن ع الشكل بس ! يعني لو تعرفك زين ب توهبك درجات ب الهبل .gif "(269)")
ذاكرن اول ب اول لاا تخلو المواد تتراكم
اكذب عليكم لو اقولكم اني طبقت ه الشي ، ولا عمري ذاكرت يوم ب يوم
وانننننندم قد شعر راسي ب الاختبارات
المواد طويله والمعلومات كـثيره والوقت يركض 
لاا تعصبي ولا تتنرفزي ولاا يضيق صدرك لو كان عندك ملييون واجب
ولاا تقولي : مستحيييييل اخلصوه ، مافيه وقت .. الخ
سويه وانتي ريلااااكس اوي
انــآ كنت اعصب واتنرفز وتضيق بي الدنيا لما اكون مضغوطه دراسيا
وما كنت انجز اي شي ! ب العكس كنت اتعب جسديا ونفسيا من غير اي انجاز يـُسجل في التاريخ
لكن بعدين صرت اسويهم وانا رايييقه وب سعه صــدر
والله صرت انجز من غير اي امراض تـُذكر
اياك اياك اياك تستسلمي ل فكره سحب الملف !
حاولي انهاا ما تجي ع بالك ب المره
واذا خرجت الاوضاع عن السيطره وطرت عليك
حطي في بالك انوه ما بقى شي وتنهي مسيره دراسيه طويييله ومتعبه !
لا تستسلمي لليأس ، خلي طموحك واملك يحطمو ه الافكار السلبيه ويحولوها لافكار ايجابيه
اوعي تسمعي وتصدقي كل شي ينقالك !
فيه بعض البنات يقولو ان ه الدكتوره ظالمه وما تعطيك حقك
او ه الدكتوره حقانيه وتعطيك حقك واكثر
وطبعن الحقيقه عكس ذلك ، كل بنت لها طريقه معينه في الحكم ع الشخص 
لاا تهابي اي دكتوره ولا تستسهلي ب اي دكتوره
احكمي عليهاا ب نفسك و كوني لهاا صوره من نظرتك انتي وبس 
تجنبي المشاكل ب أي شكل من الاشكال وخاصتن مع الدكتورات
يعني صراحه انــآ ماعمري شفتهم وقفو مع الطالبه ابـدن !
اصلن مافيه احد تشتكي او تلجأ لوه بهالوقت
يمكن يوقفو مع الطالبه انــآ والله مابي اظلمهم
لكن تجنبي المشاكل وخلااص < - افهموها
لا تضيع عليك ه الاربع سنين كـذا دراسه وبس
فيه دورات تكون ب الكليه خاصتن وقت النشاط وفيه دروس ب المصلى
وفيه حملات واشياء كـثيره ممكن تشاركي فيهاا اذا كان وقتك يسمح لك
ولا تروحي البيت الا وانتي شايله عنك كل ضيق وهم وتعب من الدراسه !
واليك ِ الحل عزيزتي الطالبه :
اجتمعي مع صديقاتك وطلعي كل اللي ب راسك طبعن ب اشياء مسموحه مو ممنوعه
ولا مانع من بعض المغامره 
والله ترجعي البيت وانتي ناسيه كل التعب وما تتذكري الا الضحك والوناسه
اممم ايش كمان ؟؟
هذا مافي جعبتي الآن لو تذكرت شي ابرجع اقولكم < - خلااص خلصتي حبر الموضوع 
لكن جد جد والله ابي لكم الخير واتمنى اني افدتكم ولو ب القليل 
موفقات ي رب
|