يعلم الله اني اشارك الجميع الطلب وامنيتي الكل ينجح ويحصل على ما يتمناه
لكن تخيلوا ادارة الجامعه وافقت على طلبكم وقررت تنجح اللي ناقصه درجه
طيب اللي ناقصه درجتين من حقه يطالب ايضاً واللي ناقصه ثلاث ايضاً
واللي اربع وخمس وست وسبع واكثر من حقهم المطالبه اسوةً بزملائهم ,,, وادارة الجامعه ما راح تخلص من الطلبات
والذي نفسي بيده اني اتمنى لكم ما اتمنى لنفسي ولكن متأكد من ان ادارة الجامعه ودها تساعد الكل
لكن لو فتحت هالباب ما راح تسكره ابد .. الكل بيطالب بحقه اسوةً بغيره ..
تأكدوا انها ليست نهاية المطاف .. اجعلوها حافز لكم لتقديم الأفضل بالسمسترات القادمه ولا تجعلوا انفسكم في هالموقف ..
الدرجه اللي تجيك بجدك واجتهادك افضل من الدرجه اللي تجيك بمساعده مع امنياتي والله يشهد ان ادارة الجامعه تقرر مساعدة الكل .. لكن بيكون من الصعب جداً ارضاء الكل او مساعدة طلبه على حساب آخرين ..
كل الدعوات الصادقه للجميع بالتوفيق والتفوق