شمس مشكوره ياروحي انتي كلامك اثر فيني

عارفه الدعوى مو قضيه يأس او صبر الدعوى انتي وثقتك بربك على كثر الالم اللي جاني والوجع خصوصي من اهلي كنت اشوفهم يشترون هدايا وسلات كاكاو واقول لهم هذا لمين

يقولون بنروح لوحده نفاس وكذا

وفي النهايه اكتشف انه تخرج بنت خالي او بنت عمي اللي كانو معي وتخرجو بس مايبون يوجوعون قلبي

وكنت اسكت مااعلق اعترف ماقدر اشوف وقتها اي احد لابس بدله تخرج اموت ابكي

مو حسد ولابغضاء ولا شي

بس ندم على شبابي اللي راح دفعتي كلها الحين تحضر ماستر ماشاء الله وانا باقي ماتخرجت

والمشكله يجووني كلهم يقولون ترا ماراح تتوظفين انتي نتساب واسكت مااعلق ولاحاجه

بعد ايام اللي انطوى القيد تبعي في كليتي الاوليه

جاتني حاله تشنج في يدي اليسار كانت تتشنج باقوى ماعندهااا لدرجه من كثر ماتشد كانت ترجع على ورا ظهري تمدد الوجع الى رجلي اليسار صارت تنكمش اذا يدي تشنجت بعدها باسبوع جا في نص وجهي اليسار حتى عيوني تغمض اجباري وكانو اهلي لاشافوني يخافون من شكلي ولايخلوني امسك شي

رحت عالجت بكل مكان كل تحاليلي سليمه الدكتور يقول هذا بس رده فعل لازم تتجاوزين؟؟

كيف اتجاوز بيوم وليله وانا من العشر الاوائل على دفعتي فجاه في البيت؟؟

ونظره الناس لي المتني كلن يجني ويقط كلام من عنده

لدرجه ابوي وهو ابوي انا بنته كلمني وقال سودتي وجهي ماتستحين انظردتي؟؟

لدرجه جريده اليوم نزلت موضوعي بعنوان(( اذا نجحتي قابليني)) صرت لما ادخل معهد او كليه الكل يناظرني يدري انا اللي انكتب الموضوع عنهااا

مشكله المرض اللي جا كنت اتشنج كل 5 دقايق وماقدر اقعد مع احد عشان مايخاف مني

صرت ابتعد بس عشان امي ماينوجع قلبها علي اقعد بغرفتي لين الله يشوف لي......

رحت مكه مع اهلي لعل وعسى ربي بس يشافيني

واول ماكبرت ابصلي ويرجع لي التشنج مره ثانيه واللي جنبي تخرعوو من شكلي كاني حيه التف على نفسي

جات عندي حرمه كل ماااتذكرها ادعي لهاا قعدت جنبي وخذتني تقرا تقرا باذني وانا بس ابكي

قالت اسمعيني يابنتي

بس اقري اواخر ال عمران واوخر البقره

وانا على حضنهااا بس ابكي وماعرفهااا

رجعت من مكه لزمت القران اقرا البقره 4 مرات في اليوم لدرجه صرت احفظهاا

اتعب لافتحت القران اتثاوب وابي انام مع ذلك ماانثنى عزمي ابي اخلص سوره البقره
وفعلا في شهر واحد اقراهاافي اليوم 4 او 7 مرات ساعات اقعج 3 ساعات اكرر واقرا

جبت مويه زمزم وانا بنفسي قريت عليهاااا

الين الحمدلله اختفى تماما كاني كذابه

اشوف صديقاتي يكلموني يقولون تعالي اشتقنا لك

ولادخلت الجامعه اموت

هذا مكاني

وهذا كرسي حقي اجلس فيه

وهذا مكان جمعتنااا

تخنقني العبره وبس ادعي يارب عوضني

ولله الحمد صحيح قسم صعب ولاسجلت انا بارادتي لكن اتمنى من اي بنت جربت الرسوب او انطردت لاتزعلين ولاتيشلين في خاطرك ربي له حكمه

انتي ابدااا مو غبيه لو رسبتي هذا طريقه حب ربي لك يختبرك ويمتحنك ويشوف صبرك والحمدلله في ماده ومادتين ولافي صحتك

نصيحتي لك بس الزمي الدعاء في كل يوم وفي كل صلاه صحيح انا مو ملتزمه ولاشي لكن فعلا

بعد امر ربي الدعاء صدقوني هو المفتاح لكل شي ويارب قصتي تفيد الكل ولاااخجل لو احد نقلهااا او انه ارسلهاا بالعكس يارب ينفع فيها