|
رد: تصريح النجار على اغلاط التصحيح (حسبي الله ونعم الوكيل)
اقتباس:
المشاركة الأصلية كتبت بواسطة انقلش
شكلك فعلا في عطلرد
مين عطانا الثلاثين درجه ؟ اي جامعه سوتها غير جامعتنا ؟
واللي راسبين. بكذا درجه ماتشوف مواضيع التحلطم والاعتراضات والا شو ؟ الكل يبي ينجبر كسر هالكم علامه وهذا اكثر شي يطيح امانة الجامعه ومصداقيتها في الارض !!!
وفعلا اعطانا الثلاثين درجه ومددها لبعد الاختبارات ولا يقدر يعطي درجه وثنتين وثلاث بعد تسليم الورق ... بيض الله وجهه والله امين
اللي جته درجات افضل شكله طلع مسوي زين افضل مما هو متوقع ما اقصد ان الجهاز هو يختار عنه الاجابه .. حتى ايام الثانوي ومتوسط كنا نتصرقع خوف ونكتشف علامات حلوه !!!
والبعض فعلا قال زي ما توقع ،،، وجته ردود حظك الجهاز مشاك والا ما طاحت اللخبطه عليك وراجع المواضيع وتشوف بنفسك الهبل في الردود
اعترفت الجامعه باخطائها الترم اللي فات من ناحية الصفر ومن ناحية اللخبطه في المحاضرات المباشره وجت المواضيع زي المطر انه سستم فاشل
واخر نقطه قال مافيه اخطاء الا بمادتين مو يعني كل الراسبين نتيجة خطأ ؟؟؟
اتمنى وضحت الصوره
|
اختي الله يجزاك خير اولا اسلوبك اسلوب استجداء ! الدكتور عبدالله النجار ماقصر وقايم بعمله وياخذ راتب ويؤدي وظيفة .. اما عطانا 30 درجة هذه من عندك ؟! والله يا اخيتي هذا نظام الجامعة مو حنا اللي حاطينه وهم يفتخرون فيه وماحطوه الا بقرار من الجامعة وموافقه من الوزارة ولو تجين تقولين ابي اختبر من 100 درجة ومابي نظام اعمال السنة رفضوا لان هذا نظام الجامعة ولازم تتقيدين فيه .
ثانيا انا شخصيا تعبت عشان احصل درجات اعمال السنة , حليت واجبات وشاركت ونزلت محاضرات وبالعكس عانيت معاناة شديدة من تعطل البلاكبورد وانحرق دم دمي !!
اذا انتي ماسويتي كذا او تعتقدين انك ماتستحقين اعمال سنة فهذا شأنك !
نحن لا نستجدي احدا والحمدلله ندرس بفلوسنا والجامعة كل اللي توفره موقع الكتروني ومحاضرات مسجلة من اترام ماضية ومكان للامتحان .. يعني بحسبة تاجر شغل الجامعة تجاري بحت وتكسب والله يزيدهم مع اني افضل ان التعليم يكون مجاني في بلد مثل بلدنا الغني خاصة ان كثير من طلاب الانتساب 6 الاف في السنة تعني لهم شيء كثير.
اما حكاية ان الدكتور يقول ان التصحيح تم من خلال جهازين مختلفين فليس معناته اننا نسلم ونسكت .. انا شخصيا متأكد اني عملت 100 من 100 في الانجليزي لان الامتحان بالنسبة لواحد مثلي يعتبر بسيط جدا لان عندي مهارات في اللغة الانجليزية ودارس في الخارج ومختبر توفل وجايب فيه درجة تقبلني اي جامعة في امريكا وفي تخصص ادراة اعمال واتفاجاء ان درجتي 88 فقط !!! صدقيني فيه غلط وغلط كبير.. طبعا كلمت الدكتور عبدالله وكان مررة جنتل لكن قالي نفس الكلام وحبيت اكون جنتل معه وشكرته وتركت الموضوع لكن بصراحة الموضوع مضايقني 12 درجة حرام تروح كذا ..
ان اساءنا الظن في الجامعة اقول يمكن الكلام عن تسريب الاسئلة واستقالة الدكتور غسان له دخل وانهم خصموا درجات خوفا من انها متسربه ولو احسنا الظن ممكن نقول ان اجهزة الجامعة مبرمجة غلط في اختبار الانجليزي لذلك قراء الجهاز الاجابات حسب البرمجة الغلط !
اخيرا انا معك وارفض اي تهجم على الجامعة او احد اساتذتها او موظفيها وكذلك لست مع من يطالب بان (يدف) درجتين ثلاث عشان ينجح لكني لست معك في ان يتوقف اصحاب الحق عن المطالبة بحقهم ولست معك في ان الجامعة تتكرم علينا بشيء خاصة لما تكون الجامعة تتباهى امام الجامعات الاخرى بنظامها المعمول به .
|