السلام عليكم ورحمة الله وبركاته
وش السالفه ياصبايا معقوله مايقبلون إلا الموظفه وين صارت هذي ولا في الأحلام
أتمنى إني فهمت غلط لاأنه مومعقوله اللي تقولونه كان ذكروا في الإعلان للموظفات فقط
هل معنى هذا إني ماتعب نفسي وأتعنى لهم لأنهم وبكل برود بيقولون لي الأعلان غلط ماشاء الله عليهم ناس تتعنى وتتأمل وهم يحطمون الشخص بكل بساطه وبكل برود لكن مانقول إلا حسبي الله عليهم ولا حول ولا قوة إلا بالله
بقولكم معاناتي اليوم الصباح جالسه إدق على تليفوناتهم عشان إستفسر منهم عن الأوراق المطلوبه وطبعا كالعاده ماأحد يرد عليك وإلا يكون مشغول ودقيت على مسؤؤلين الإبتعاث وسألتهم ليش مايردون علينا وعطاني الله يجزاه خير رقم الجامعه وتحويلة وحده ماأدري إذا هي دكتوره او أستاذه ودقيت في أول مكالمه ردت ولما سمعت الصوت سكرت بوجهي ورجعت وعدت الأتصال لكن دون جدوى ماترد وجلست أدق قلت إبغى أزعجها عشان ترد وبعد محاولات عده جاء الفرج وردت وياليتها ماردت تدرون ليه لأنها صراحه ماتعرف ترد زي الناس وماأعتقد أنها كفو لأنها ترد على العالم إذا أبسط الأشياء ماتعرف فنون التعامل مع الناس
تدرون كيف كان الرد طبعا مالها خلق ترد وفوق هذا كله وأنا أتكلم حضرتها جالسه تكلم وحده عندها وماعطتني وجه ولما سألتها عن الأوراق المطلوبه ردت وكأن في أحد يلحقها وقالت الشهاده والكشف الدرجات وبطاقة العايله فقلت لها كم صوره قالت صوره وحده وسألتها عن نموذج الإلتحاق اللي في الموقع هل هو مطلوب قالت إيه وهي أصلا ماذكرته لما سألتها في البدايه يعني لازم أسحب منها الكلام سحب ولازم أنا الللي أعلمها مو هي اللي تعلمنا والله حاله وتخيلوا ماذكرت شيء عن التوصيات مو معقوله إنها مو مطلوبه والله حاله اللله يعين ويصبرنا واللله حدتنا الظروف على هذي الجامعه مافي غيرها عندنا
اه ه ه ه ه ه ه ه ه ه ياليت يفتحون جامعات في الشرقيه غيرها ونرتاح منهم
يأخواتي ليش مايكونون زي جامعة الملك سعود في التعامل أقل شيء
واسفه إني طولت عليكم بس واللله من القهر اللي فيني قلت أفضفض لكم مالي غنى عنكم