لا أدري ماهي المشكله , عندما اتصفح قوقل كرورم لاتطلع لي المشاركه لذلك احببت بأن اعيد إنزالها بسبب إختفائها واعتذر للجميع ..
قبلت وجه الظلام بشفة الونه=وصافحت يدين فرقا مابعد بانت
وصليت فرض الغياب وباقي السنه=والجرح يدعي بصوته للحزن حانت
حانت مواجع فراق(ن) همه يعنه=عنة خيول(ن) سرت في ليلها عانت
وامست هواجيس ظني تحتري ظنه=واقول زانت لو انها مابعد زانت
ونار المحبه تهون ولابعد جنه=خص ليا من ذكرت ايام لي كانت
كانت مع الوقت بصوات الغلا خنه=وكانت تطول الغلا واشواقها مانت
وابنشد الليل ليه الناس يبكنه=وليه الدموع بظلامه بالغدر خانت
ببكي غرامك وجرح الشوق باكنه=وياحلو الايام لو طالت ولو شانت
والهم سكين والأحزان بتسنه=واللي انذبح فرحته وعزومها لانت
الونه اصدق من العبرات والونه=صوت الالم في خفوق معذبك بانت