متواضعة . . أتمنى أن تصل لـ سمو ذوائقكم .
عذراً . . إقبلوها كما هي :







ليت السوالف . . تمر البال ماتدري
ماكان بعض الكلام ان مر ماجاني

ذي غلطتي وأستبيح الصمت ياعذري
ولا لك على دمعتي شرهة ولا لساني

لو كل من هو . . يخون الذاكرة عبري
ماكنت اشوفك حزن بعيون حرماني

احيان هذا التعب يشره على صدري
لاصار جرحي يجي من سبة اخواني

رسمت حلمي على البيبان من صغري
ولا شفت غيري . . يجي ويمر بيباني

بكتب لك الحزن وانت اقراه في شعري
وان ماقريته . . عيون الناس . . تقراني

أصغر مع الجرح لو هذا الوجع كبري
وأكبر من اني أجي وأشتاق لك ثاني

مرات صوت الفرح في داخلي يغري
وتضج بي دمعتي . . وأشتاق لأحزاني