السلام عليكم

هآم مع وجهي

الموهم



اليـوم رحت لكلية الغـد بالدمآم وسجلت .. طبعا انا من الأحساء يعني حوالي طريق ساعتين

وتسجيلي مااخذ ربع سآعة حتى


اولاً

بتكلم عن المبنى

هدووء قلتي لي في مبنى 2 واحد قديم والثاني تو جديد والي تدرسو فيه انتو
وحنا بودونا للمبنى الي بحي المزروعية

هالكلام كلة خرطي
هدوء لاتسطريني هههههههه بس سمعوو

حنا سألنا عن كلية الغد ودلونا الي بالتميمي
المبنى حسيتة عمارة وبين مباني .. بس من داخل لاباس يعني كشيخ

المهم دخلنا البنات وبالنسبة ان اليوم اربعاء ومقابلة حسيتهم قليل

وجالسين ينتظرون الاسماء عشان المقابلة

على مكتب التسجيل فية انا وكم بنت

مايجو 3 يمكن

عطيتهم شهادتي وقدراتي وعفستي طلع معدلي عالي وكل شي يأهلني

بس انا مخلصة ثانوية من سنتين يعني مش السنة الماضية الي قبلها ..

وانا على اساس بسجل منح قبلوني اوك ماقبلوني بكمل على حسابي

المهم قالت لنا مايقبلوني منحة لان المنح بس للعام الماضي والسنة

قالتلي تقدرين سنة على حسابك واذا جبتي 3 ونص يحولونك منحة السنة الثانية

بدون تردد قالت لها اختي اصلا انا جاية اسجلها على اساس كذا

سنة على حسابنا وبعدين منحة

المهم من سمعت ان على حسابي دقتها البوهة وصارت المعاملة ارقى شوي

هههههههههههه

طبعا هم 2 الي يستقبلون طلبات التسجيل وحدة سمرا ومكشرة ماتضحك كثير ولو انها حليوة لاباس

والثانية تفتح الصدر واستفسرت منها عن كل شي
وسجلت معها بعد

من زين حظي ههههههههههه
سألتها عن طب الاسنان قالت ماراح يفتحو حتى السنة الجاية

وشسمة مكافأة جلست تخرط علي بس معنى كلامها ان التعليم العالي زين منهم يدفعون منح لكل طالبة 50 الف بالسنة

وبعد تبيهم يعطو مكافأة احلمو يعني

واممممم سألتها عن المبنى قالت مافي الا هذا
وفي واحد يبنو فيه يخلص بعد 5 سنين

يعني اذا حنا تخرجنا قدام البحر بالعزيزية على قولتها

وهذا المبنى الي بندرس فيه مش غيره


بس بشكل عام مدري ارتحت للكلية .. ولو ان المبنى من برا قت فيني لان بني

وانا ماحب هاللون

بس من داخل ارتحت نفسيا كبداية
ويارب نبيضها

قالت بعد اول سنة تتخصصي
قلت لها اشعة قالت حلوووووو

وبعد شنو

آممم

اي قالت اول 100 طالبة بسجلو على حسابهم الشخصي راح يدفعون 50 الف مع الرسوم

اما الباقي 55


قلت لها عسى انا من 100

قالت اي
ماجو كثير على حسابهم انتي من الاوائل بعد

عطوني موعد مقابلة اسبوع الجاي يوم الثلاثاء او الاربعاء الي يرحني قالت

او حتى اي اسبوع جاي بهاليومين بس كل مابكرت كل ماصرت تبع هالمية ودفعت بس 50 الف مش 55 يعني

مكرمين علينا صراحة >>


هدوء مدري شقالت عن المنح الموظفة قلت لها اي بس الصيدلة ماله منحة صح

قامت تضحك قالت انتي خابزة الكلية وجاية

قلت لها من سنة بحثي كلة عنها

ووووووبس

هذا الي صار معي بالتفصيل
باقي اسبوع الجاي بروح الاربعاء اسوي مقابلة واخذ معي ورقة
للتحصلي مااخذتها وصور شخصية عدد 3


وخلصناا
مبروك علي مقدما