ملتقى طلاب وطالبات جامعة الملك فيصل,جامعة الدمام - عرض مشاركة واحدة

دوحه غَنّاء · 2011- 7- 13

اقتباس:

المشاركة الأصلية كتبت بواسطة تشتيتي مركز

دوحه اسردي القصه لا هنتي .. سندريلا والامير ..

ابشري

اصلا تحمست معكم
كنت ناويه اسرد اكثر من موقف

طفولتي تختلف نوعا ما

بس خلوها ذكرا
الاسبوع الجاي يمكن اسافر

سندريلا والامير

كنا ساكنين في الظهران

وكان بعض جماعتنا ساكنين في نفس الشارع

والي ساكنين في راس الشارع عندهم عشاء هذاك اليوم

لبسنا وكشخنا ((( واهم شيء الجزمه < الله يكرمك> السوداء ام ظفاير وفيونكه

وجرابات الكشكش

)))

المهم رحنا مشي

ولعبنا في المراجيح وصدعت روسنا من اللعب

قعدت على الدرج انا واخوي الي اصغر مني تقريبا كان عمري 6 وعمره 4

كان فيه سيب يروح لأخر الحوش مظظظظظظظظظظظظظظلم
والبزراان خايفين منه

كل شوي واحد يخوف الثاني <<<< تخيل داخل وحش ثم يدفه ويصرخ وااااااااااااااا والثاني يقول يممااااااااااااااااا حرامي بعدين يضحك بس يبي يخوفهم

كل هذا وانا جالسه على الدرج انا واخوي نتابع

قلت : له تشوف كيف خايفين من السيب

قال : ايه
قلت : ياله نروح نلعب في هذيك المزرعه ثم نمشي وهم ما يدرون ورى الحوش وندخل السيب

ونطلع اصوات ونخوفهم

قال : لا

يخوف

قلت : يالخواف بزر <<<<<<<< ابي اعززه بطريقه

قال: ياله

مشينا ووصلنا السيب قال : خلينا نرجع
قلت : ارجع انا بكمل
قال : لا خلاص بروح
قلت : ابمشي قدامك وانت وراي

مشينا والظلاااااااااام داااااااامس والغريب
ان كل ما مشينا نسمع صوت ماء وكل ما قربنا زاد الصوت

فجأه

زلقت رجلي ( الله يكرمك)
في حفره
وفلتت ام الظفاير

<<< جزمة سندرلا

هنا ظهرت شخصيت الامير

وقال: انزل اجيبها

قلت : لا
قال : كيف ترجعين البيت

حفيانه لا بنزل اجيبها
قلت : لا ما تنزل يمكن تموت عادي ارجع حفيانه

المهم بعد جدال اتفقنا
قال : بنزل بشويش اذا كانت الحفره صغيره بجيبها
واذا كانت كبيره برجع

نزل الاخ وطلعت الحفره كبيره وفيها ماء
وتورط ما قدر يطلع

وبداء بالنواح والعويل

وسحبت يدينه بس ما قدرت اطلعه

فبديت بالنداء <<<<<<<< ما بقيت احد راعيت البيت وامي وشغالتهم والبزران الي نوينا فيهم الردا ههه وربي عاقبنا

فقدنا الامل ان احد يرد علينا

فبدأنا بالبكاء

وسبحان الله
جتني عزيمه <<<<<< شكلها من اثار البكاء

وشديته بقووووة وطلعته

وطلعنا للبزران وخافوا من اشكالنا
واحد ملابسه وصخه ووحده عرجاء

طبعا الحفره هي غرفة تصريف

هههههه ومش بس كذا قلت له لا تدخل البيت توصخ بيت الناس

رحت اشاور امي وقلت لها

امي

خذته و روشته بتايد

راعية البيت تعتذر لأمي تقول طفيت النور لأن البزران يخافون منه
ما دريت ان اعيالك غير

[line]-[/line]

نفسه اخوي

صحاني من النوم يوم يبيني العب معه

وهاوشته قلت له اذا صحيت لعبت معك الحين ما ابي

هو

خذا سكين وفلق راسي

[line]-[/line]

مره رحت عيادة الاسنان

كنا متعودين على دكتوره تعالجنا
ويدها خفيفه

بس كانت مسافره

رحنا لدكتور الي يعالج اخوي

اوجعني وهو يحشي
ارص على يده ما فيه فايده

اقوله امم اممم <<<<<< يعني عورتني

وهو يقول معليش اصبري معليش

مصخها

فـــــــــــــــــ

عضيته

وهو يصرخ

اصباااعي

اي ياصباااعي

فكي اصباااعي

وانا الاصابع في فمي واقول اممممم امممممم <<<<<< يعني لااااااااا

ما فكيت اصبعه الى لين شفت ابوي نزل العقال

[line]-[/line]

كنا و واحد من اقاربنا دائما نسكن جنب بعض

واعمارنا قريبه من بعض (احنا واعياله)

كانت انا وواحد من الاولاد كثيير ما نلعب مع بعض

وبعض الاحيان يكذب وانا اايد الكذبه

من ضمنها
كنا نلعب في الحوش

ودخلنا

قالوا سمعتوا الاذان

قال لا انا شفته

ناظروني بنظره

قالوا وانتي

قلت لا هو شافه بس انا شفت ذيله

طبعا كان فيه مواااقف كثيره

وبعضها تفششششششششل
بس تظل الطفولة بريئه

قراءة ممتعه