يا صاحبي حالي عقب غيبتك حال
حال الوحيد اللي خذ أغلى حلاله

ربعه تردوا به وهو ماله عيال
وواجه مقادير الليالي لحاله

تبغي الحقيقه عقبك أحوالي أحوال
لاني بمستنانس ولاني بداله

القلب عقبك للهواجيس خيال
والعقل عقبك ذكرياتك إدلاله

في كل يوم أشرب من الصبر فنجال
لكني أأقفّيه حبك ... بياله

في خاطري مشروه مبطي ولازال
وإلى بغيت الصدق ماذي بحاله

أما إتصل لي وأكمل الود بوصال
وألا أضعف الإيمان طرش رساله


وسلآمتكم