|
استشارة بخصوص قسم ادب انجليزي
السلام عليكم ورحمة الله وبركاته
سار لي فتره متابعتكم واعجبني فيكم التعاون ماشاء الله
واتمنى اليوم ماتخجلوني وتساعدوني باللي تعرفوه
اول شي انا كنت ادرس في جامعة ام القرى تخصصي ادب انجليزي
ورغم انو موادنا صعبه الا اني كنت ماشيه فيها الحمدلله
بس سارت لي ظروف وماقدرت اكمل وطبعا عندنا مافي الا انتظام
المهم الفتره طالت وفصلوني من الجامعه لاني توقفت نهائيا عن الحضور
مؤخرا قالولي بيدوني فرصة ارجع لان درجاتي حلوه ومعدلي يشفعلي بس ظروفي ماتسمحلي اداوم كل يوم وصرفت نظر>>>بس لسه ماسحبت ملفي
انا طبعا قررت اسحب من هناك واقدم في جامعتكم عن بعد لانو افضل شي و اقدر ادبر نفسي لحضور الاختبارات
اول شي بقدم بشهادة الثانوي يعني ابغى اعيد من جديد تتوقعوا يقبلوني؟
وهل اذا اخترت انجليزي اتخصص على طول ولا ممكن يرموني اي قسم ثاني؟
بالنسبه للمواد عندكم اطلعت عليها ولقيتها مرره حلوه وسهله
وانا مستوايا ماشاء الله حلو فهل احصل ع الدرجات بناء على مستوايا ولا في ظلم زي عندنا؟
عندنا مفرملين على 65 مايعرفوا غيرها
ياريت تقولولي كل شي وخاصة اللي تخصصهم انجليزي
ملاحظه : انا باقيلي 46 ساعه على التخرج لكن مستعده اعيد من جديد اذا مايضيعولي مجهودي
وشاكره لكم مقدما.
|