رجعت والشوق يسبقني عليك وخاطري منصاب
رجعـت مـن الشقـا طفـل يتيـم مــل مــن روحــه
تـلاشـت كــل طموحـاتـي غديـنـا يـازمـن أغــراب
تخـيـل حـتـى اهـاتـي غــدت تشـتـاق لجـروحـه
تعبـنـا نقـلـب الـواقــع نـجـامـل والـهــوى كـــذاب
تعبـنـا نـكـذب ونـكـذب نعـيـش أحـــلام مـذبـوحـه
ليامنـه لـفـا الغـايـب يقـولـون الـعـرب وش جــاب
وأنا اللي جيت شايل لك خفـوق يشتكـي نوحـه
احبـك كثـر ماسألـت الدمـوع واشتـكـت اهــداب
غـلاك استعمـر الخافـق وشـيـد فيـنـي صـروحـه
لانــك جـنـة الـعـاشـق لانـــك تـسـلـب الالـبــاب
لانــك غـيـر هالعـالـم ذنـوبـك عـنـدي مسمـوحـه
حفظت الود في صدري رعيته ليـن راسـه شـاب
سقيتـه حبـي وشوقـي واسكنتـه وسـط دوحــه
تـعـال ونـاظـر بعيـنـك جــروح العـاشـق المـرتـاب
تمنـي قـربـك وعطـفـك تـسـاوي صمـتـه وبـوحـه
طلبتـك مـد لـي كفـك تعبنـا مــن بـعـد الاحـبـاب
وأنـا كلـي رجـا جيتـك تـرد لخافقـي روحــه