ملتقى طلاب وطالبات جامعة الملك فيصل,جامعة الدمام - عرض مشاركة واحدة

R7mak ~ · #1 2011- 7- 18

[ALIGN=CENTER][TABLE1="width:95%;"][CELL="filter:;"][ALIGN=center]

بسم الله الرحمن الرحيم

والسلام عليكم ورحمة الله وبركاته

حيا الله طالبتنا المستجدات بَ الجامعية ق1

لقد تمّ طرح هذا الموضوع لكل طالبة مستجدة مقبلة عَ التسجيل بالكلية الجامعية

عسى الله أن يكتب لكم كل مافيه خير

بَ النسبة للوقت اللي نزلت فيه الموضوع هو أحسن وقت حسيته مناسب يقدر يفيدكم

أولاً : حنّا بَ الصيف يعني ماعندكم شغله اللي ودهّا بَ الجامعيه تدخل دورة تحسّن فيها لغتها مو تدخل عَ عماها مثلي

إذا تحس أنها ضعيفه بـ English

ثانياً : قبل لا أدخل الجامعيه كانت في رأسي تساؤلات يَ كثررررها من خلال موضوعي هذا من غير لاتفكرون بالسؤال بَ أكلمكم عنه

بَ النسبة للقبول والتسجيل ,,
عَ حسب اللي ودهم بَ الجامعيه إذا كانت طلبات الالتحاق فيها كبيرة ترتفع النسبه ويصعب القبول بس خذوها مني القبول فيها كبير وتخصصتها رووعه

لا أحد يعتمد عَ التربيه بس ,أنصحكم بَ الجامعيه حتى لو كنتي تبغين التربيه

بالنسبه للتخصصات اللي فيها » يعتمد على مسارك الدراسي علمي أو أدبي

العلمي :
نظم معلومات اداريه
حاسب CS
تصميم داخلي

أما الادبي :
إدارة أعمال
English

بالنسبه للتسجيل سهههل من خلال موقع الجامعيه الرئيسي
http://www.ucj.edu.sa/

درجة الرياضيات و الـEnglish مرره مهمين ؟ لانه الدراسة بَ الجامعية أعتمادها الرئيسي عليهم

بنكمل خطوه خطوه من بداية التسجيل لمّا تداومين

بيطلبون رقم جوالك لانه بتجيك رسالة عن قبولك من عدمه
نفس طريقة التربية عَ دفعات , دفعه أولى وثانية وآخره
بيستمر التسجيل لمّا رمضان » يعنني الامل بَ الله كبير لا أحد يتحطم

بعد ماتجيك الرسالة راح يرسلون لك الوثائق المطلوب عَ ملفك
بموقعهم الرئيسي اللي سجلتو منه » بيكون لك ملف من خلاله تعرفين وش لك وش عليك
جدولك , غيابك , نتيجة الاختبارات ... وغيره

وبتخمين وثائقك المطلوبه وبتروحين لهم توقعين عَ أوراق عندهم

» شخصيه

و [ نقطه مهمه ]

بيصورونك محجبه عشان يعطونك بطاقتك الجامعية وبتكون فيها صورتك اللي صورتيها عندهم »يعني أكشخو مَ راح يغيرون صورتك لما تخّرجين

لاتقولون محد قالنا وتكسرون البطاقه

وبيعطونك ورقة تروحين لمستشفى هم يختارونها لك تسووين فحوصات نظر و طول ووزن » الله يعينكم عَ أختيارهم بسس

و أول يوم حفل تعريفي

والله من الطفش والقوانين اللي مالها آخر بس لحد يخاف تراه خرطي

فالينها والحمد لله

طريقة الزي هناك » بسسسسساطه مررره لحد يتكلف الله لايهينكم وكلاً له حريته

بَ النسبه للجوال إذا كام عادي تدخلينه بس مو تصيرين شين وقواة عين تمرين به عند النظام
بكذا بتتحملين اللي بيجيك

بَ النسبه لمبنى الكلية ,,

مبنى ثانوي مع تعديلات وتوسيعات وحالياً يعدلون فيه أحتفالاً فيكم

» ككثري منها
شسمه هذا عشان محد يحس بالتوتر » مراعاةً لمشاعركم ق1

يقولون فيه مبنى لنا في 2012

و أنا أقول دامهم يعدلون للحين يعني أحلموو

بيبدأ الدوام يوم الثلاثاء وتسليم الكتب يوم الاثنين أو الاحد ,
نصيحه أسحبو عَ الاحد والاثنين » هع بتخربهم من بدري

إيه صح أول يوم في أختبار

» لححد يخاف بس تحديد مستوى لا أكككثر
عشان يعرفون يحطونك أي سكشن يعني شعبه

بتكون المواد نازلة لك بالجدول وان شاء الله بشرح لكم الجدول بَ التفصيل » إذا أخذتوه

حالياً أنصحككم وبشدة أنكم تدخلون دورات English عشان ماتندمون
ترا المدرسات كلهم أجانب بس حبوبات والله ق1 ق1

أي غلط عندي صححوه لي الانسان مو معصوم من الغلط
اللي عنده أي معلومة لا يبخل ,,

بــرب مع تكملہ

[/ALIGN][/CELL][/TABLE1][/ALIGN]