ملتقى طلاب وطالبات جامعة الملك فيصل,جامعة الدمام - عرض مشاركة واحدة

تمرد خجول · #1 2011- 7- 19

[align=justify]
[align=justify]

تحية عطرة لكل طلاب وطالبات الغد

اليوم جيت وحبيت اخبركم قصتي مع التسجيل في كلية الغد

اول ماسمعت انه في تسجيل بكلية الغد فورا دبرت لي احد يوديني الكلية وبدأت البحث عن موقع
الكلية واختلفت الروايات على موقعها كان فيه موقعين حي العزيزية وحي المزروعية المهم اني
دخلت جوجل ايرث عشان اقطع باليقين وشفت انها مثبته في المزروعية

وطيران عليها في حر
شمسنا الحبيبة واروح اضرب جرسااات ولاحياة لمن تنادي وادق على ارقام الكلية ماحد يرد ولما شوي
بافقد الامل رفعوا السماعة وقالوا لي انه بالعزيزية واقفل من عندهم وندق سلف على العزيزية دخلت قدمت لها صور من شهادتي الثانوي وحسن السيرة و3 صور قالت موارد ولا منح قلت على حسابي
قالت لي اوكي المقابلة الثلاثاء او الاربعاء وجيبي معاك الاصول و3 الاف ريال
قلت لها لازم الاصول الحين قالت اي عشان نعطيك رقم اكاديمي (وانا اصلا طالبة في كلية العلوم
بالدمام) قلت خير انشالله
يوم 2 رحت كلية العلوم الا الدنيا مقلوبة الكلية مهدمة للوصيانة

المهم دخلت الا مبنى الشوؤن مهدم وكله عمال سألت وين الشوؤن دلوني رحت الا الموظفات
جالسين كلهم بغرفة وحدة وبعباياتهم قلت لهم اني جاية اسحب ملفي قالت لي اسفة ماقدر اخدمك
انتي شايفة الوضع والملفات في دولاب ممنوع نحركه المبنى كله عمال ومهدم اصلا مانقدر نعبر
واخذي لك طلة تعالي بعد الاجازة انشالله نعطيك ملفك انا وقفت مصدومة

لمدة خمس دقائق
ماتحركت قالت لي والله ماودي توقفين هالوقفة قلت لها مايصير يروح علي تسجي لضروري ابي
الملف كان حطيتو اعلان قبل للي تبي تسحب ملف قبل لاتهدمون احقرتني

انا طلعت قلت اكيد كلية الغد بيكونون متفهمين للوضع
اليوم اللي بعده رحت عشان المقابلة والتسجيل في الغد وقلت لها بالسالفة قالت ما اقدر اسجلك بدون
الاصول تصرفي لازم الاصول

جات وحدة ثانية شارت علي اني اروح وزارةالتربية والتعليم
واشوف اذا قدرت اطلع بدل فاقد طلعت من الغد وقلت لاخوي السالفة قال لي انتي من جدك تبين
تطلعين بدل فاقد السالفة مو بهالبساطة قلت انت شدراك مطلع بدل فاقد من قبل قال لي لا قلت له
اتصل اسئل وين تصير الوزارة بنروح الحين المهم اتصل لعمي وصف المكان ورحنا لما وصلنا الا
اتصل عمي وقال شفت لكم واحد يعرف مدير الكليات

كلمناه روحو كلية العلوم ومايصير
خاطركم الا طيب المهم مشينا من الوزارة وعلى كلية العلوم دخل على مدير الكليات قال له من قال
لكم انه ماتقدرون تسحبون الملف الا بداية السنة اتصل علي انا كنت انتظر بالسيارة يسألني عن
الموظفة اللي قالت لي ماقدر اعطيك ملفك قلت له ماتذكر المهم رحت الكلية للي قالت لي ماقدر
اعطيك الملف قامت تمسح الجوخ وتقول

قطعتين قلبي ذاك اليوم وكسرتي خاطري ومن
هالكلام وهي خايفة طبعا

اني اكون اشتكيت عليها سألتني وش اللي خلاك ترجعين قلت محتاجة الملف ضروري سألتني وقاللولك روحي اشتكي علي قلت لا ماقالولي شي تخيلو ياجماعة
رحنا للمبنى اللي فيه الملفات واتفاجأ انه في باب خلفي تقدر تدخل منه بس من اللامسؤولية صرفتني
ذاك اليوم لانه غبار وحر والاخت ماتبي تتعب نفسها طلعت ملفي

وشافت انه يبي له توقيع
من المالية واللي توقع غايبة وصارت تروح وتجي تروح وتجي تبي توقيع والله انها كرفت كرف لحد

ماخلص دوامهم في النهاية اخذت الملف

رجعت الاربعاء كلية الغد من الساعة 8 عشان اكون اول وحدة سجلت اسمي في المقابلات اول وحدة
عطيتها الملف صفنت في الملف وقالت لي ماراح اسجلك الحين نهاية رمضان بنحطك على الاحتياط
لانك جيد خلي الاصول عندك وماراح تدفعين

اليوم بس مقابلة قلت ليش مو انتي طلبتي الاصل
كالعادة ماردت حقران وقالت لي انتظري دورك مابدت المقابلات الا الساعة 9 الا ربع طبعا
مادخلوني اول وحدة اول حقين الموارد وبعدين المنح وانا سجلتني مع المنح مع اني على حسابي
فوق ال 15 بنت للموارد قلت يالله ماعليش دخلت المقابلة وانا ناوية طب طواريء سألوني كم سؤال
وطلعت وانا الحين انتظر ردهم لنهاية رمضان عشان القبول

مافيه سفر السنه عشان حضرت جنابهم وطول رمضان لوحدي اهلي مسافرين شهرين

سوري ياجماعة طولت عليكم بالسالفة بس من حر مافي قلبي

لكم تحياتي وودي

[/align]
[/align]