|
رد: دراسة الماجستير عن بعد
اقتباس:
المشاركة الأصلية كتبت بواسطة blanco
انا ادري بتعبكم معاي قريتها ويعطيك العافيه اخوي بس ممكن تفهمني من وين الواحد ياخذ منحه للطلبه الغير سعودين ؟
على الطالب انه يقدم على الجامعة التي يريد الالتحاق بها ، فيحضر الأوراق المطلوبه كما هو موضح ويضع عليها استدعاء ويتقدم بها للجامعة ..
ثانيا هل التزكيات محكوره ع الناس الشطار ولا ممكن اي احد ياخذها وهل لازم تكون من دكاتره المواد التخصص ولا ممكن الي درسوني مواد عامه وتربويه
المطلوب تزكيتين علميتين من الكلية التي تخرجتي منها لا يهم من اعطاك ولا يهم من اي تخصص تربوية او مواد عامة المهم ثم المهم ثم المهم تزكيتين مصدقة ( مختومة ) ويحق للجميع اخذها ،، كل ما على الطالب ان يفعله ان ينظر في سجله الاكاديمي ويختار اعلى مادتين حقق فيها درجة ويستحسن الامتياز ويذهب للدكتور الذي درسه المادة ويطلب منه تصديق النماذج المخصصة لذلك من قبل الكلية ...
ثالثا موافقة مرجعه على الدراسة إذا كان موظفاً. <يقصدوا جهة العمل الي اشتغل فيها في حال توظفت هل لابد يوافقوا وان ماوافقوا ماقدر اكمل كذا معنى الكلام ؟
نعم صحيح كلامك وهذا في حالة ان الجامعة تطلب منك موافقة جهة العمل ، لكن فيه برامج في جامعات لا يطلب موافقة جهة العمل ،، واعطيك اضافة مهمة موافقة جهة العمل هي ضرورية للطالب نفسه لأنه يضمن تسجيل مؤهله العلمي عن طريق عمله في وزارة الخدمة المدنية ،، التي تشترط إحضار القرار او صورة الخطاب المتضمن الموافقة على الالتحاق بالدراسة ،،
رابعا مرحلة الدبلوم :
يشترط القبول بمرحلة الدبلوم حصول الطالب تقدير (جيد ) على الأقل في المرحلة الجامعية ...>هل فيه دبلوم بالماستر ؟؟
يعني وش سالفه الدبلوم بالدراسات العليا هذا دبلوم عالي ،، فوق الجامعي .. بعض كليات الجامعات غير تربوية فيجب على الطالب دراسة الدبلوم العام في التربية حتى يتمكن من التقدم لبرامج الماجستير التي تتعلق بالتربية مثل الارشاد التربوي والإدارة التربوية .. ولاخذه هذه الدبلومات التربوية لابد من الحصول على الدرجة الجامعية ،، وبعدها تكون الخيارات في دراسة الماجستير اكثر بكثير من الطالب الغير تربويين .. وحتى في تصنيف الوظائف مثلا عندك الطالب التربوي اذا عين معلم يكون على المستوى الخامس بينما الطالب الغير تربوي يعين في التعليم على المستوى الرابع ... هذه زيادة مني لا اكثر ..
خامسا كما يجوز لمجلس عمادة الدراسات العليا بناء على توصية مجلس القسم وتأييد مجلسا لكلية قبول الحاصلين على تقدير (جيد) في بعض البرامج << اي برامج ليه تقدير والله مافهمت الصراحه النقطه هاذي كلها مافهمتها مره
* الاقسام اختي تندرج تحت الكليات مثل قسم الدراسات واللغة العربية والنفس كلها تندرج تحت كلية الأداب والعلوم الانسانية ،، اذا تقدم طالب تقديره جيد مرتفع لقسم من الاقسام ورأى القسم ضرورى الموافقة عليه ،، نظرا لقلة المتقدمين أو لأي سبب كان ورفع التوصيه لمجلس الكلية ،، وأيد مجلس الكلية هذا الأمر ورفعه لمجلس عمادة الدراسات العليا فأنه يجوز قبولهم ،، في بعض البرامج التي تحددها الأقسام نفسها ..
انا ادري اسئلتي كثيره و اعتذر لأن احس اغلبها ممكن تافهه لكن ابغا افهم مرجله الماجستير كامله واكون على بينه ونور مابي اقدم على شي ونا مو فاهمه فيه
شاكره لكم التعاون ولكم مني كل التقدير |
ولا يهمك اختي حنا نساعد بعض ، ونرفع معنويات بعض ،، ونقدم العون على قدر ما نستطيع
أن اصبنا فمن الله وان اخطائنا فمن انفسنا ومن الشيطان ،،، ولا يهمك اسئلي حتى تحسي انك اكتفيتي ،، اذا عندنا اجابة فما اظن احد من الاعضاء راح يبخل بها .. والله ولي التوفيق ..
|