ملتقى طلاب وطالبات جامعة الملك فيصل,جامعة الدمام - عرض مشاركة واحدة - مستوى تحضيري هُنَا تَجْمَع طُلّاب و طَالِبَات الْسُّنَّة الْتَحْضِيْرِيَه [ Preparatory Year ]

قموورة أنا · 2011- 7- 20

اقتباس:

المشاركة الأصلية كتبت بواسطة شرقاويه2011

قموووووووره ممكن اعرف منك كيف سجلتي وهل هي مضمونه وكيف دراسة التمريض فيها سهل؟

رحت لهم مع شهادة الثانويه وصور منها والسيره والسلوك وبطاقة العايله و2000 ريال رسوم التسجيل وعطوني ورقة الكشف الطبي سويته وجبته لهم تطمني اغلب الخريجات في تخصص التمريض توظفو حكومي ومن ناحية الدراسه حلوه صحيح ضغط مواد ويحتاج تركيز لان الدراسه كلها بالانجليزي بس اللي تذاكر مايصعب عليها شي وعلى فكره انا توني بروح مستوى ثالث يعني توني بتخصص

وتنصحيني فيها؟؟ اذا انتي حابه تدرسين فكري في كلية الغد احسن عشان تتخرجين بكالوريوس بدل الدبلوم ويكون مستقبلك الوظيفي مضمون
وهل يقبلون الي اكثر من خمس سنين؟ ولازم قدرات وتحصيلي؟؟

اذا اكثر من 5 سنوات لازم تجيبين استثناء من هيئة التخصصات الصحيه ولما تروحين للتسجيل الاكاديميه ترفع اوراقك للهيئه اذا قبلوك الهيئه خلاص تدرسين اما اذا ماقبلوك الله يعوض عليك باللي احسن منها ايوه لازم قدرات وتحصيلي وهذي الشروط ماكانت موجوده من قبل بس توهم حاطينها

اسسفه ع طولة الاسئله بس ابغى احد يساعدني حدني محتاره؟؟

لا عادي خذي راحتك