مرحبـــا ..
أسلوب الضرب سواء ً مع الأبناء أو الزوجه أو مع الإخوان الصغار ,
أعتبره شخصيا أسلوب عقيم و سلبياته كثيره و عواقبه وخيمه !!
لأنه يؤدي إلي تنافر و عدم إحترام و عدم تقبل من قـِـبل المضروب للضارب ,
و الأمر في أغلب الأحوال ينتج عنه .. يا شخصيه مهزوزه , أو شخصيه متمرّده ,
و في كلتا الحالتين الخاسر هو الذي قام بــ الضرب إعتقادا منه أنه الأسلوب الصحيح لـتقويم الإعوجاج !!
أسلوب و طريقة الأب المذكور في الموضوع حضاريه جدا ,
و تأثيرها بليـغ جدا في نفس المتسبب بـالفعل الخاطيء ,
و لكن كم عدد اللي يطبقـون هالأسلوب ؟!!
أعتقد أن العدد سيكون بسيط جدا ,
لأن كثير من الآباء سـ يرفع يده على إبنه أمام " خلق الله " و يضربه , و يهينه , و يسمّعه كلام شين ,
فيه أبـاء يقولون لإدارة المدرسه : إخذوه لحم و رجعوه لنـا عظم 
!!
التربية الصحيحه تبدأ من البيت , الإهتمام في الأبناء , و تعليمـهم , و متابعتهم , و حل مشاكلهم و ما يضايقهم , من الأمور المهمه ,
لكن تركهم بدون متابعه , و بدون رعايه , و بدون إهتمام , و تخلـّيهم داشرين , و داجيبن في البيت وبرّا البيت ,
و بعدها يجي الأب و الأم و يقولون المجتمع يخـرّب , و المدرسه ساس البلا !!
بــصراحه أشوف إنه كلام غير منطقي و غير صحيح إطلاقا .
مشكلة المجتمعات الخليجيه أنها متأثرّه بــ البيئه اللي تنشـأ فيها ,
وهـ البيئة أغلب أمورها تكون ع الفطره البحته ,
و المشكله الأكبر أنه رغم التطوّر و التمدّن إلا أن البعض لا يزال يمشي في بعض أموره الحياتيه على فطرة أبوه و أجداده !!
شوفوا الأجانب شلون يهتمون في عيالهم , و يناقشونهم , و يعلمونهم الأمور اللي تفيدهم ,
مو إحنـا " خلف الله علينا " .. إذا صاح الورع إكمخوه طراق , و إذا حاول يعبّر إلسبوه بـالعقال !!
الله يعين الجميع , و يصلح الحال , و يهدّي البال 
.
ــــــــــــــــــــــــــــــــــــــــ
أشجـ الدموع ـان
يسلمووو ع الموضوع 
.