|
رد: سجل حضورك اليومي بكتابة بيت من الشعر
تقهـويتــك وله ... لوما تقهـويتــك بصفر دلال
تهيلتــك هواجيـــس .. وقصـائد حب منـثــوره
اهيجن لك .. بطرقٍ .. غار من مسحــوبه الموال
حديت اغلى مغاتــير الغرام .. وجتك منحوره
تذكــرت الجــــديل اللي تمـــوّج كنّـه الشـــلال
وخد ٍّ يجهر البدر بسنـاه .. ويجــرح غروره
حبيبي ... ما بقى للشعر شيٍ يوصـف وينقــال
ليا أختال الحور بعيون .. مفضوحه ومستوره
سحرني كلّ شيٍ فيك .. والسـحر أغلبه قتـال
وتماديت وذنــوب السحر في القرآن مذكوره
حبيبي ... عاشقك معذور والله لو يجـيه هبـال
اليا صار العشق شيـخٍ يسير العاشق بشـوره
احـبك ايه احـبك ياغنى عمــري وراس المــال
لك بقلبي بساتين .. ومشاتـل حب ممطوره
|