|
رد: سجل حضورك اليومي بكتابة بيت من الشعر
لحظه وحده وإسمحي بأخر سؤال صدق إني مابقالي شي عندك
لامحبه لاوداد ولاحنين وإنك إنتي مانسيتي إني جرحتك
وإن جرحك مايزول مهما عدت من سنين أدري خنتك واعترفلك بالخيانه
والخيانه جرح قاسي ماحتمل لو كان منك بس لحظه
وقبل تنوين الرحيل وتهجرين
قلب حبك وارخص الدينا لعيونك
واحتمل ذله في حبك لي لحظه ماسألتي خاطرك وش هي اسباب الخيانه ؟؟؟
ادري ودك تسألين بس تخافين الإجابه
وراح أقولك إنتي أسباب الخيانه
بغرورك بتعاليك في شعورك
إنتي حتى البسمه تظنين بها عن عيوني في عيونك
إحتملتك ولحظه العزه خذتني عن شعورك شافها قلبي وحس بحبها مال لها وعوضتني عن حنانك
ونقطة الحرمان فيني كانت أكبر من شعوري نحوها
إحضنتني واحضنت حرمان قلبي في غيابك مو غيابك بس غياب إحساس قلبك وإنعدامه ـ ـ ـ
وحس قلبي بذل حبه في وجودك وانهزامه ويوم جاته بأحلى إحساس ومشاعر
صدق كانت فاتنه في مشاعر حبها وفي الأحاسيس الجميله اللي تجيني وقبل تاصل من شذاها وعطرها
كنت أتخيل عيونك في لحظة عينها كنت أتخيل وجودك في جدايل شعرها صدق كانت تشبهك في كل شي وكانت إنتي
صدقيني حاولت تتمثلك في كل شي في ضياها وفي بهاها كانت
إنتي حتى في البسمه الخجوله اللي تزين ثغرها وبرسمة الكحل اللي تعانق نحرها وبكل
تفاصيل الأنوثه الطاغيه في سحرها حتى في لحظة بكاها تتمثلك بدموعها
>>>مو قلتلك تشبهك في كل شي ويوم خنتك كانتي إنتي في عيوني وحضنها الدافي حنانك
لا احتضنتي وكنتي إنتي اللي معاي بكل لحظه يوم خنتك
كنت احس إني اخونك مع طيوفك يوم خنتك غلطتك إنك جفيتي حبي اللي كان طاهر قبل
لايفكر يخونك صدقيني كنتي دايم مستبده وكنت دايم مااشوفك إلاوإنتي حاضره للجرح فيني ومستعده
وغلطتي إني تقبلت المهانه والمذله يوم صرت مااشوف إلا بعيونك <<<وإختصاري لكل كوني بشخصك إنتي وإن كل الناس صاروا في عيوني يشبهونك <<<وإنك بلحظه تكوني نقطة الضعف الوحيده لشخص حبك وحاول إنه مايخونك واعترفلك !!!!
إن مهما العذر طال مايبرر ها لخيانه ...
وإن طعم الغدر قاسي وفي الأخير ـ ـ ـ ـ
ادري إنك ماقتنعتي بكل أعذار الخيانه والقرار أصبح قرارك وإنتي بيدك تحكمين ؟؟؟
بس لحظه !!
وقبل يصدر حكم قاسي وتندمين حطي نفسك في مكاني واحكمي باللي تبين !!
 A F A
|