|
رد: تمتمات لماضــــــــــــــــــي رحل
تشتيتي مركز..
موضوع جميل
هيضتيني يا بنت
الطفوله وايام الطفوله
مواقف جميله جدا محزنه جدا مضجكه جدا...
استلمي بعض المواقف/
اذكر كنا العصر انا واخواني الشباب نطلع البراحه اللي ورا بيتنا
وكن فيه شجره كبيره مقطوعه واحنا مسوينها ملاهي>>
نلعب الى ان تغيب الشمس ونرجع للبيت
واذكر جدي كان بغرفته يقرأ قران>>كان مخرف ودايم يقرأ قران
انا وقتها كنت اخاف منه مدري وش يقول كان صوته عالي ويرتل القران
فكنت اوقف عند الباب واطالع فيه>>الله يغفر له ويرحمه
ومره اختي الكبيره >>بلفيت انها العاقله
طبت هوشه مع عيال الجيران
وجيت بفزع لاختي اساعدها
وماحسيت الا بالشيء الي صقعني على جبهتي
فلعني ولد جيراننا مالت عليه
واذكر انا بعد سويت سواتش وزعلت من اهلي<جدتي ام ابوي+امي>
وقررت الرحيل عن ديارهم
اخذت لحافي وكم لبسه
بس ماطلعت من البيت مثل بعض الناس
لا رحت غرفة التخزين>>شف التفكير بس
وشغلت التكيف ونمت.gif "(269)")
هالكلام الظهر
ماقمت الا العشاء
واطلع بكل براءه الا بنت خالتي بوجهي>>لقيتها لقيتها
وش السالفه وش صاير>>امي وجدتي اعلنوا حالة الطوارئ
وجات الامدادت من بيت خالتي والجيران>>اللي ولدهم فلعني
عوافي على الموضوع الاكثر من رائع
لي عوده مع مجموعه اخرى من الذكريات
|