|
......... اكتب قصة يومك...........
جتني هالفكره بين وبين نفسي .....ليه ماكل واحد يحاول يكتب حكاية يومه
يمكن نطلع احسن من شكسبيررر الي رفع ضغطنا فيه الدكتور محمد النعيمي الله يعطيه العافيه
الاربعاء ..الساعه 2 الظهر جيت من العمل
الطاير: طن طن
اخوي : من على الباب
الطاير: انا افتح
.....فتح الباب ..سلام عليكم
بعد الغسيل وتغير الملابس ....وين الاب لاتوب
امي : ولد انت صاحي ولا مجنون روح ريح توك جاي من العمل
الطاير : ابشري ابشري يمه
امي : ياولد ارحم نفسك
الطاير: ابشري يابنت الحلال
وصلت الساعه 2 وخمسة واربعين دقيقه وقت الغداء
ابوي (الحكومه ) ياولد اترك ابليس هذا الي ف ايدك وتعال كل
الطاير : يله سويت switch off
بسم الله .....الحمد الله .......خلصنا الغداء
ابوي : يله الصلاه
كل البيت : ان اشاء الله
طبعن رحنا صلينا ورجعت البيت
الام : ياالطاير شوف اختك وش تبي
الطاير :يامه هذا طلباته ماتخلص
الام: اقول روح شوف اختك
الطاير: ابشري ابشري
الاخت : امسك هذا 30 ريال جيب بسكوت اولكر و قشطه محلا وحليب ...وكيك امريكانا
الطاير :وش بتسوين
الاخت : حلا
الطاير :شرننننن شغلت السياره
وانا رايح للسوبر ماركت
الجوال : طرن ننن طرنن ننن نغمة نوكيا
الاخت : ياطاير جيب 2 جالاكسي واو واو واو وجيب بطاقة 20 ريال سوا
الطاير : ماعندي فلوس
الاخت: جيب والله اذا جيت اعطيك ايها
الطاير: طيب
الكاشير : الحساب 60 ريال
طيب طيب
المهم رجعنا البيت ومعي الاغراض
الطاير : وين الاب التوب .......الهم جلست اتصفح الانترنت ايلين صلاة المغرب
بعد الصلاه راجعنا على نفس الوضع
الام: تطالع القناة السعوديه مع الشيخ عبدالله المطلق طال الله بعمره
متصله تكلم الشيخ ....ياشيخ معجون الاسنان يفطر في رمضان
الشيخ :لا مايفطر
الام: ياطاير هو معجون الاسنان يفطر ؟
الطاير: لا يايمه ماسمعتي الشيخ وش يقول
مر علينا الوقت وصلنا ايلين وقت العشاء
الاب : يامهبول انت صاحي ولامجنون
الطاير: ليه يابوي
الاب: كيف ليه ...من يوم جيت من العمل الى الان وانت على الشيطان هذا
الطاير: وش اسوي ماعندي حاجه
الاب: اقر قران شوف شي يفيدك .....ارحم عيونك
الطاير :ابشر
ان جالس على الانترنت والوقت يمشي بسرعه وصلت الساعه 3 وعشرين دقيقه وقت صلاة الفجر
الاب: طرررررررررررررررررررررررررررررررنننننننننننننننننن نننننننننننننننننننن
الطاير : ابوي ابوي ابوي  طف الجهاز افصل الشاحن
الاب:يـــــــــــــــــــــــــــــاولد خاف الله
الطاير : والله اني جالس على محاضرات في الجامعة 
الاب: تضحك علي احنا في اجازه
الطاير : ها لا لا على موقع سبق
الاب : هات الجهاز
الطاير: ابشر ...سم
طبعنا رحنا نصلي الفجر وبعد الصلاه حاولة في الشايب انه يعطين الجهاز
لكن رفض بشده
هذا هي حكايتي واتمنى انكم تشاركوني قصصكم
|